03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Եթե երեխաների օրգանների վաճառքի մասին առաջին անգամ եք լսում, կարող եք դիմել Արարատ Միրզոյանին․ Մանե Թանդիլյանը՝ հանձնաժողովի նախագահի թեկնածուին․ ՏԵՍԱՆՅՈՒԹ
Հասարակություն
15.01.2019 | 17:46
ԱԺ «Իմ քայլը» խմբակցությունը խորհրդարանի Առողջապահության և սոցիալական հարցերի մշտական հանձնաժողովի նախագահի պաշտոնում առաջադրեց պատգամավոր Նարեկ Զեյնալյանի թեկնածությունը, որը խորհրդարանականներին ներկայացրեց այս հանձնաժողովի աշխատանքների վերաբերյալ իր պատկերացումներն ու ծրագրերը։
Նարեկ Զեյնալյանին լսելուց հետո «Լուսավոր Հայաստան» խմբակցության պատգամավոր Մանե Թանդիլյանը խորհուրդ տվեց նրան սերտ համագործակցել ոլորտի մասնագետների հետ և նրանցից տեղեկություն ստանալ։ Ապա Թանդիլյանը հանձնաժողովի նախագահի թեկնածուին հարցրեց՝ արդյոք վերջինս հետաքրքրվել է երեխաների օրգանների վաճառքի հետ կապված հարցով ու դիմել է իրավապահ մարմիններին։
Թանդիլյանի հարցին ի պատասխան՝ Նարեկ Զեյնալյանն ասաց․ «Օրգանների վաճառքի հետ կապված առաջին անգամ եմ լսում, եթե կա նման խնդիր, ապա պետք է դիմել իրավապահ մարմիններին, այս մասին ինֆորմացիա չունեմ, կներեք»։
Ի պատասխան Մանե Թանդիլյանը նկատեց․ «Եթե երեխաների օրգանների վաճառքի մասին առաջին անգամ եք լսում, կարող եք դիմել Արարատ Միրզոյանին։ Վատ է, որ պաշտոնյաների հայտարարությունների մասին տեղեկանում եք այս դահլիճում»:
Թեմային արձագանքեց ԱԺ նախագահ Արարատ Միրզոյանը և պարզաբանեց, որ խոսքը վերաբերել է այդ ոլորտում միջազգային մաֆիային և այդ մաֆիայից խուսափելու համար ՀՀ-ի ջանքների ներդրմանը։
Մանրամասները՝ տեսանյութում։
