02.07.2026 | 20:23
Ջրամատակարարման ժամանակացույցի փոփոխության մասին պնդումները չեն համապատասխանում իրականությանը. Ջրային կոմիտեն պարզաբանում է
Թրամփը ստորագրել է Ցեղասպանությունների և վայրագությունների կանխման մասին Էլի Վիզելի ակտը. ANCA
Քաղաքականություն
15.01.2019 | 15:05
ԱՄՆ նախագահ Դոնալդ Թրամփը ստորագրել է Ցեղասպանությունների և վայրագությունների կանխման մասին Էլի Վիզելի ակտը, որն ավելի վաղ հավանության էր արժանացել Սենատում և Կոնգրեսում: Այս մասին հայտնում է Ամերիկայի Հայ դատի հանձնախումբը (ANCA):
ANCA-ի հայտարարության համաձայն՝ այս օրենքը հաղթանակ է նոր ցեղասպանությունների ու վայրագությունների կանխման քաղաքական գործընթացների առումով. «Ամերիկայի Հայ դատի հանձնախումբը ողջունում է նախագահի կողմից Ակտի ստորագրումը և շնորհակալություն հայտնում օրենսդիրներին, որոնք աջակցել են գործընթացին»:
«Որպես ամերիկահայեր և ցեղասպանություն վերապրածների ժառանգներ՝ մենք ուրախ ենք տեսնել օրենքի ստորագրումը, որը վկայում է անցումային արդարադատության, քրեական պատասխանատվության և բարոյական հրամայականի մասին, այն է՝ դասեր քաղել անցյալի ցեղասպանություններից՝ ձգտելով կանխել ապագա վայրագությունները»,- ընդգծել է ANCA-ի գործադիր տնօրեն Արամ Համբարյանը:
