19.01.2026 | 19:00
Էրդողանը մեծ դիվիդենտ ստացավ՝ չքանում է քրդական պետություն ստեղծելու ծրագիրը, նրանք զինաթափվում են․ Սագո Արեան․ ՏԵՍԱՆՅՈՒԹ
Թուրքիայի մասին սկանդալային գրառումից հետո Էրդողանն ու Թրամփը հեռախոսազրույց են ունեցել
Քաղաքականություն
15.01.2019 | 14:36
Թուրքիայի և ԱՄՆ-ի նախագահներ Ռեջեփ Թայիփ Էրդողանի և Դոնալդ Թրամփի միջև կայացել է հեռախոսազրույց։ Այդ մասին հայտնում են Թուրքիայի նախագահականն ու Սպիտակ տան խոսնակը։ Հեռախոսազրույցի վերաբերյալ գրառում է կատարել նաև Թրամփը Twitter-ում. փոխանցում է ermenihaber-ը:
Գրառման մեջ ընդգծել է, որ թուրք-ամերիկյան տնտեսական հարաբերություններն ընդլայնվելու մեծ ներուժ ունեն։ ԱՄՆ-ի նախագահի գրառման համաձայն՝ Էրդողանի հետ քննարկվել է նաև Սիրիայում 32կմ անվտանգության գոտի ստեղծելու հարցը։
Հեռախոսազրույցի ընթացքում նախագահները քննարկել են նաև Սիրիայից ամերիկյան զինուժի դուրսբերման գործընթացը, «Իսլամական պետություն» (ԻՊ) ահաբեկչական կազմակերպության դեմ պայքարի հարցը, ինչպես նաև թուրք-ամերիկյան հարաբերություններին առնչվող տարբեր խնդիրներ։
Սպիտակ տան խոսնակը տեղեկացրել է, որ հեռախոսազրույցի ժամանակ Թրամփը հատու շեշտել է այն հանգամանքը, որ թուրքական ուժերը Սիրիայի քրդական ուժերի դեմ նոր ռազմագործողություններ չսկսեն։
Հիշեցնենք, որ ավելի վաղ Թրամփը սպառնացել էր ավերել Թուրքիայի տնտեսությունը, եթե վերջինս նոր ռազմական գործողություններ սկսի Սիրիայի քրդական ուժերի դեմ:
