12.10.2026 | 13:20
Թերմոս՝ 7800 դրամ, բեյջի թել՝ 1240 դրամ, էկո պայուսակ՝ 3432 դրամ․ տրամաբանության մեջ չի տեղավորվում․ ՏԵՍԱՆՅՈՒԹ
Հայաստանի գեղասահորդները հանդես կգան Եվրոպայի առաջնության մենասահքերում
15.01.2019 | 13:27
Հայաստանի գեղասահորդների համար հունվարի օրացուցային գրաֆիկում միջազգային երկու մրցաշար է նախատեսված: Մեկն արդեն անցկացվել է Լեհաստանում: «Տորունի գավաթ» անվանումով ավանդական մրցաշարում, 11 մենասահորդների պայքարում, մեր երկիրը ներկայացրեց Սլավիկ Հայրապետյանը: Նա հանդես եկավ հայկական երաժշտության ուղեկցությամբ և գրավեց վեցերորդ տեղը: Սլավիկն այսօր լուսադեմին վերադարձավ Երևան և մարզումները կշարունակի տանը: Նպատակը հունվարի 21-ին Մինսկում սկսվող Եվրոպայի առաջնությանը լավ մասնակցելն է: Մենասահորդների պայքարում, Ս.Հայրապետյանից բացի, մեր երկիրը կներկայացնի նաև Անաստասիա Գալուստյանը, որը նախապատրաստվում է Մոսկվայում:
Եվրոպայի առաջնությունում հանդես կգան ավելի քան 100 գեղասահորդներ: Նրանց համար ստուգատեսը կարևոր փորձություն է 2022թ. Պեկինում անցկացվելիք ձմեռային օլիմպիական խաղերի ճանապարհին:
ՀԱՕԿ լրատվական բաժին
