10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Ռինգի, քաղաքական բոքսի էջը ուզում ենք փակել. Նաիրա Զոհրաբյան. ՏԵՍԱՆՅՈՒԹ
Քաղաքականություն
15.01.2019 | 12:13
«Բարգավաճ Հայաստան» կուսակցության խորհրդարանական խմբակցությունը ցանկանում է նոր քաղաքական մշակույթ ձևավորել խորհրդարանական հարաբերություններում: Հունվարի 15-ին ՀՀ Ազգային ժողովում լրագրողների հետ զրույցում ԲՀԿ պատգամավոր Նաիրա Զոհրաբյանն ասաց՝ փորձելու են խորհրդարանում նոր աշխատանքային հարաբերություններ ձևավորել:
«Մենք փորձելու ենք նոր քաղաքական մշակույթ բերել խորհրդարանական հարաբերություններ: Այդ ռինգի, քաղաքական բոքսի, ով է ավելի շատ ընդդիմադիր, ով է ավելի բարձր բղավում… այդ ժամանակները, կարծում եմ, անցել են: Համենայն դեպս՝ մենք ուզում ենք այդ ժամանակների էջը համարել փակված և անցնել նոր փուլ»,- նշեց Նաիրա Զոհրաբյանը:
Անդրադառնալով ՀՀԿ-ական Էդուարդ Շարմազանովի կարծիքին, թե ԲՀԿ-ն չի կարող խորհրդարանում ընդդիմություն լինել, Զոհրաբյանը պատասխանեց. «Հասկանում եմ, որ տարբեր քաղաքական գործիչներ կարող են քաղաքական կոռեկտության, քաղաքական լեքսիկոնի հետ խնդիրներ ունենալ: Կապրենք՝ կտեսնենք, թե ինչպիսի ընդդիմություն կլինի ԲՀԿ-ն և, ընդհանրապես, ինչպիսին կլինի այս խորհրդարանը: Որևէ մեկին խորհուրդ չեմ տալիս կանխակալ գնահատականներ հնչեցնել, հատկապես՝ «Բարգավաճ Հայաստանի» մասին: Մենք միշտ ասել ենք, որ կողմ ենք կոռեկտ փոխհարաբերությունների՝ թե՛ խորհրդարանում առկա, թե՛ խորհրդարանից դուրս քաղաքական ուժերի: Ով խախտեց կոռեկտության սահմանը, բնականաբար, պատասխանը մի քանի անգամ ավելին է լինելու: Ես կողմ եմ «ակն ընդ ական, ատամն ընդ ատաման» սկզբունքին»:
Մանրամասները՝ տեսանյութում
