Տեսանյութեր
15.01.2019 | 11:34Ազգային ժողովի ԲՀԿ խմբակցության պատգամավոր Վարդան Ղուկասյանը կարծում է, որ ժողովուրդը շատ սպասելիքներ ունի, և իրենք էլ դրանք ի կատար ածելուն նպաստողներից մեկն են լինելու:
Լրագրողների հետ զրույցում անդրադառնալով նախորդ և այս գումարման խորհրդարանների տարբերության մասին հարցին՝ Վարդան Ղուկասյանն ասաց. «Ամենակարևոր տարբերությունն այն է, որ ժողովուրդն իրոք առանց կեղծիքի, առանց կաշառք բաժանելու ընտրություն է արել: Հիմա սպասենք, տեսնենք՝ ինչ է լինելու»:
Նախորդ գումարման ժամանակ շատ քննարկվեց հարցը, որ Ղուկասյանը վարձով ապրելու համար գումար էր վերցնում Ազգային ժողովից: Վստահեցրեց՝ չի վերցրել, լրագրողներն են «այդպես սարքել»:
«Ինչո՞ւ եք ուրախանում, երբ մարդուն վարկաբեկում եք: Չեմ վերցրել, բայց այս անգամ վերցնելու եմ»,- հայտարարեց Վարդան Ղուկասյանը:
Մանրամասները՝ տեսանյութում
