19.01.2026 | 22:24
Ինչ են առգրավել քննիչները․ Հայկ Դեմոյանը մանրամասներ է պատմում իր տան խուզարկությունից
«Ես խոսել եմ հայերենով». գրաբար արտասանած պատգամավոր Գոռ Գևորգյան. ՏԵՍԱՆՅՈՒԹ
Հասարակություն
15.01.2019 | 11:25
ԱԺ «Իմ քայլը» խմբակցության պատգամավոր Գոռ Գևորգյանը համաձայն չէ դիտարկման հետ, որ երեկ խորհրդարանի ամբիոնից գրաբարով իր հնչեցրած ելույթը անհասկանալի է եղել:
«Ես խոսել եմ հայերենով, դա մեր հին լեզուն է։ Եթե մարդն ընդհամենը ցիտատ է բերում Սուրբ գրքից ու մեկը չի հասկանում, գոնե պարտավոր է մտածել, թե ինչ էր ասվում, հատկապես, եթե ասողը հետևից թարգմանում է։ Ես թարգմանել եմ՝ ինչ եմ ասում։ Սովորական աղոթքը, որ ասում եք, ես, օրինակ, գրաբարով եմ ասում։ Ինչ ասել եմ Սուրբ գրքից եղած ցիտատ է եղել՝ Հիսուսի խոսքերն են ու արտացոլված են եղել թե՛ Մաթևոսի, թե՛ Պողոս առաքյալի խոսքերում», – լրագրողների հետ զրույցում պարզաբանեց պատգամավորը:
Հարցին՝ ինչպե՞ս է վերաբերում այն փաստին, որ երեկվա իր ելույթից հետո իրեն փորձեցին համեմատել ՀՀԿ-ական նախկին պատգամավոր Գալուստ Սահակյանի հետ, Գևորգյանն ասաց. «Ում հետ ուզում են թող համեմատեն, որևէ խնդիր չեմ տեսնում։ Ես բաց մարդ եմ, ցանկացած առողջ քննադատության դիմանում եմ, իսկ ոչ առողջները՝ պարզապես ժպիտ են առաջացնում»:
Մանրամասները՝ տեսանյութում:
