08.03.2026 | 12:12
Բեյրութում հյուրանոցի վրա հարվածի հետևանքով 4 մարդ է զոհվել․ Իսրայելը հայտարարում է, որ թիրախը իրանցի հրամանատարներն էին
Եթե ընտրություն կատարեի ԲՀԿ-ի և ԼՀԿ-ի միջև, ոչ մեկին չէի ընտրի. Արարատ Միրզոյան․ ՏԵՍԱՆՅՈՒԹ
Քաղաքականություն
15.01.2019 | 11:02
Ազգային ժողովի ընդդիմադիր փոխխոսնակների թեկնածությունների քննարկման հարցը խորհրդարանում շարունակվում է նաև այսօր։
Ազգային ժողովի նախագահ Արարատ Միրզոյանն այս թեմայով իր ելույթի ընթացքում նշեց, որ հարցը չափազանց պարզ է, և եթե ինքն ընտրություն կատարեր երկու թեկնածուների միջև այլ պայմաններում, ապա նախապատվություն կտար կին թեկնածուին, իսկ եթե ընտրություն կատարեր երկու քաղաքական ուժերի՝ ԲՀԿ-ի և ԼՀԿ-ի միջև, ապա քվե չէր տա այդ ուժերից ոչ մեկին, քանի որ իր քաղաքական ընտրությունը վաղուց կատարել է, սակայն ինքն այս ընտրությանը մոտենում է բոլորովին այլ տրամաբանությամբ։
«Ես կարծում եմ էստեղ նույնիսկ «Իմ քայլը» դաշինքի համար այնքան ընտրության հարց չէ, որքան՝ սկզբունքի։ «Իմ քայլը» խմբակցությունը հայտարարում է, որ չի պատրաստվում փոխել ժողովրդի քվեարկությամբ հաստատված համամասնությունը, հարգում է այդ արդյունքները։ Կա սկզբունք՝ ընդունել և արձանագրել ժողովրդի քվեարկությամբ արձանագրված արդյունքները»,- ասաց Արարատ Միրզոյանը։
Վերջինս նաև տեղեկացրեց, որ այս օրերին եղել են քաղաքական կոնսուլտացիաներ, որոնց արդյունքում իրենք՝ խորհրդարանական մեծամասնությունը, հաճույքով համաձայնել է կարևորագույն հանձնաժողովներից մեկը տալ «Լուսավոր Հայաստան» խմբակցությանը։
Մանրամասները՝ տեսանյութում։
