18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
«Զրույց Քաղաքացու հետ». Նիկոլ Փաշինյանը՝ Ֆեյսբուքյան ուղիղ հեռարձակմամբ
Տեսանյութեր
15.01.2019 | 10:01
ՀՀ վարչապետ Նիկոլ Փաշինյանը այսուհետ պատրաստվում է ամիսը գոնե մեկ անգամ զրուցել քաղաքացիների հետ «Զրույց քաղաքացու հետ» ֆորմատի շրջանակներում:
Փաշինյանն իր խոսքում անդրադարձավ մամուլի վերջին հրապարակումներին՝ նշելով. «Հեղափոխությունից հետո Հայաստանում սեփականության վերաբաշխում չի եղել, չի եղել նաև լրատվական դաշտում, ինչի առիթով շատ ուրախ եմ, բայց ուզում եմ արձանագրել, որ դաշտի 90 տոկոսը կամ պատկանում է նախկին իշխանության ներկայացուցիչներին, կամ իրենց ընդդիմադիր ուժերին։ Ստեղծված իրավիճակը բացառիկ է, որովհետև ներկա իշխանությունները ֆինանսական և լրատվական ռեսուրսների չեն տիրապետում: Լրատվադաշտում տեղի է ունենում մի պրոցես, որ նախկին իշխանության ներկայացուցիչներին պատկանող լրատվամիջոցներով փորձ է արվում ներկա իշխանությունը հանրապետականացնել: Ի՞նչ է նշանակում հանրապետականացնել․ ասել, որ ոչ մի տարբերություն չկա, ասել, որ ահա այս իշխանությունն այնպիսին է, ինչպիսին նախկինը, և բերվում են անհերքելի փաստարկներ։ Ինչպե՞ս։ Ասում են՝ տեսեք՝ ՀՀԿ-ականները նույնպես երկու ականջ, մի քիթ, մի բերան ունեն, ներկաներն էլ ունեն, նախորդ վարչապետն էլ ուներ երկու աչք, երկու ականջ, մի քիթ, մի բերան, ներկա վարչապետն էլ ունի երկու աչք, երկու ականջ, երկու ձեռք, երկու ոտք, մի քիթ, մի բերան, նույնն է, բան չի փոխվել։ Ես հիմա պատկերավոր եմ ներկայացնում, բայց էությունը դա է»:
Մանրամասները՝ տեսանյութում:
