09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Մանվել Գրիգորյանի գործով դատական նիստը հետաձգվեց
Հասարակություն
14.01.2019 | 18:39
Այսօր Վերաքննիչ դատարանում կայացավ ԱԺ նախկին պատգամավոր Մանվել Գրիգորյանի գործով դատական նիստը։ Այն նախ ընդմիջվեց, քանի որ պաշտպանական կողմը դատավորին ինքնաբացարկ էր ներկայացրել, ապա դարձյալ շարունակվեց:
Նիստը մոտ երկու ժամ տևելուց հետո Մանվել Գրիգորյանի փաստաբանները դահլիճը լքեցին հետնամուտքով` խուսափելով լրագրողների հետ զրույցից: Դատախազն էլ միայն ասաց, որ նիստը հետաձգվել է` առանց պատճառ նշելու:
Այսօրվա նիստին պիտի քննարկվեր Դատախազության բերած վերաքննիչ բողոքը՝ Առաջին ատյանի որոշման դեմ։ Վերջինիս որոշմամբ՝ Մանվել Գրիգորյանի խափանման միջոց կալանավորումը փոփոխվել էր 25 միլիոն դրամ գրավի դիմաց ազատ արձակմամբ։ Դատարանի որոշմամբ դատական նիստը հետաձգվեց։
Հիշեցնենք, որ Մանվել Գրիգորյանին մեղադրանք է առաջադրվել ՀՀ ՔՕ-ի 235-րդ հոդվածի 2-րդ մասի՝ ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը մի խումբ անձանց կողմից և ՔՕ-ի 179-րդ հոդվածի 3-րդ մասի 1-ին կետով՝ խոշոր չափերի յուրացում հատկանիշներով:
