04.09.2026 | 11:56
ՀԱԷԿ-ի երկրորդ էներգաբլոկը պլանային վերանորոգման աշխատանքներից հետո միացվել է ՀՀ միասնական էներգահամակարգին
Dexit. Գերմանիայում առաջարկում են դուրս գալ Եվրամիությունից
Քաղաքականություն
14.01.2019 | 20:10
Գերմանիայի Բունդեսթագում պատգամավորների թվով երրորդ քաղաքական ուժը՝ «Այլընտրանք Գերմանիայի համար» կուսակցությունը, մտադիր է լքել Եվրամիությունը կամ բարեփոխումների սեփական փաթեթը պարտադրել: Հերթական համագումարի ժամանակ կուսակցությունը որոշել է ԵՄ-ից դուրս գալու արշավ սկսել Եվրախորհրդարանում: Այս մասին գրում է fontanka.ru-ն՝ վկայակոչելով The Local-ը:
Կուսակցությունում նշել են, թե որպեսզի գերմանացիները մնան ԵՄ-ում, եվրախորհրդարանականները պետք է սատարեն գերմանական աջերի կողմից առաջարկվող բարեփոխումների փաթեթը:
«Այլընտրանք Գերմանիայի համար» կուսակցության առաջնորդ Ալեքսանդր Գաուլանդը հավաստել է, որ միասնական Եվրոպայի կործանումն օրակարգում չէ: Նա նշել է, որ կցանկանար բարեփոխել ԵՄ-ն:
Dexit-ի (գերմաներեն Deutschland՝ Գերմանիա և անգլերեն exit՝ ելք) հստակ ժամկետ քաղաքական այս կուսակցության ներկայացուցիչները չեն նշում:
Նշենք, որ «Այլընտրանք Գերմանիայի համար» կուսակցությունը ստեղծվել է 2013 թվականին, և չորս տարվա ընթացքում հասցրել է դառնալ Բունդեսթագի երրորդ քաղաքական ուժը:
Հիշեցնենք, որ Մեծ Բրիտանիան մարտի 29-ին պետք է լքի Եվրամիությունը: Սա եվրոպական այս միավորման պատմության մեջ առաջին դեպքն է:
