30.03.2026 | 19:33
Իրանի խորհրդարանը քննարկում է Միջուկային զենքի չտարածման մասին պայմանագրից դուրս գալու հնարավորությունը
Դուք ընդդիմություն եք ոչ թե իշխանությանը, այլ ԲՀԿ-ին․ Նաիրա Զոհրաբյանը հակադարձեց Մանե Թանդիլյանին․ ՏԵՍԱՆՅՈՒԹ
Քաղաքականություն
14.01.2019 | 17:42
Ազգային ժողովի «Լուսավոր Հայաստան» խմբակցության պատգամավոր Մանե Թանդիլյանին «Բարգավաճ Հայաստան» խմբակցության պատգամավոր Գևորգ Պետրոսյանը հիշեցրեց, որ վերջինս եղել է «Դեմ եմ» շարժման ակտիվիստ, սակայն նախարար դառնալուց հետո պարտադիր կուտակային կենսաթոշակի մասին օրենքը չի փորձել վիճարկել Սահմանադրական դատարանում։
Պետրոսյանի այս հիշեցմանն ի պատասխան Մանե Թանդիլյանը նշեց, որ այդ մասին ժամանակին պետք է մտածեր ԱԺ ԲՀԿ խմբակցությունը, որը կողմ է քվերակել նշյալ նախագծին։
Մանե Թանդիլյանի այս հիշեցումից հետո «Բարգավաճ Հայաստան» խմբակցության պատգամավոր Նաիրա Զոհրաբյանը նշեց, որ իրենց մոտ տպավորություն է, որ ԼՀԿ-ն ընդդիմություն է ոչ թե իշխանությանը, այլ ԲՀԿ-ին, իսկ ինչ վերաբերում է կուտակային կենսաթոշակի մասին օրենքին ԲՀԿ-ի քվեարկությանը, ապա նկատեց․ «ԲՀԿ-ն քվեարկել է կողմ կուտակային կենսաթոշակային օրենքի բացառապես կամավոր բաղադրիչին։ Մենք չէինք կարող կամավորության սկզբունքով այդ ծրագրին միացածներին չտալ այդ հնարավորությունը»։
Մանրամասները՝ տեսանյութում։
