14.10.2026 | 10:32
Արտարժույթների փոխարժեքները՝ հոկտեմբերի 14-ի դրությամբ
Թուրքիայում 2018թ. մեքենաշինական արդյունաբերության ոլորտում անկում է գրանցվել
Տնտեսություն
14.01.2019 | 17:33
Թուրքիայի «Մեքենաշինության արդյունաբերության հիմնադրամը» (ԱԱՀ) տեղեկություն է հրապարակել 2018թ. երկրի մեքենաշինական արդյունաբերության ոլորտում ընդհանուր արտադրանքի ծավալի և արտահանման վերաբերյալ. տեղեկացնում է ermenihaber-ը:
Ըստ ԱԱՀ-ի` 2018թ. Թուրքիայում մեքենաշինության ոլորտում դրական քայլեր են նկատվել մասնավորապես տարվա վերջին քառորդում, իսկ դժվարությունները պայմանավորված են եղել դոլարի նկատմամբ թուրքական ազգային արժույթի` թուրքական լիրայի արժեզրկման հետ:
2017թ. հետ համեմատ 2018թ. ընդհանուր արտադրությունը 9%-ով նվազել է` կազմելով 1 մլն 550.150 միավոր, իսկ ավտոմոբիլային արտադրությունը, նախորդ տարվա համեմատ 10% նվազելով, կազմել է 1 մլն 26.461 միավոր:
ԱԱՀ-ն փոխանցում է, որ 2018թ. ընդհանուր մեքենաշինական արտադրանքի արտահանումը 2017թ. հետ համեմատ 1%-ով նվազել է` կազմելով 1 մլն 318.869 միավոր, իսկ ավտոմեքենաների արտահանումը 5% նահանջելով` կազմել 875.147 միավոր:
Թուրքիան 2018թ. մեքենաշինության և ավտոմոբիլային շուկայում նախորդ տարվա համեմատ կտրուկ անկում է գրանցել: Մեքենաշինության ոլորտում արտահանման ծավալը կազմել է 32.2 մլրդ դոլար, իսկ ավտոմեքենաների արտահանումը`12.4 մլրդ դոլար:
