10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
ԲՀԿ-ի հետ փոխխոսնակի հարցում համաձայնության չենք եկել՝ իշխանությանը տալով ընտրության հնարավորություն․ Մանե Թանդիլյան․ ՏԵՍԱՆՅՈՒԹ
Քաղաքականություն
14.01.2019 | 17:44
Ազգային ժողովի ընդդիմադիր փոխխոսնակի թեկնածու, «Լուսավոր Հայաստան» կուսակցության պատգամավոր Մանե Թանդիլյանը հայտարարում է, որ ԲՀԿ-ի հետ չեն փորձել ընդդիմադիր փոխխոսնակի թեկնածուի հարցում համաձայնության գալ՝ դրանով իսկ իշխանություններին թույլ տալով ունենալ ընտրության հնարավորություն։
ԱԺ «Բարգավաճ Հայաստան» խմբակցության պատգամավոր Սերգեյ Բագրատյանը Մանե Թանդիլյանից հետաքրքրվեց՝ ինչպե՞ս կարող է նա խոսել պատգամավորական էթիկայի և պատգամավորական համերաշխության մասին, երբ ընտրություններից հետո իրենց խմբակցությանը «Լուսավոր Հայաստանը» չշնորհավորեց։
Մանե Թանդիլյանը ներողություն խնդրեց այդ վրիպակի համար և շնորհավորեց «Բարգավաճ Հայաստան» կուսակցության պատգամավորներին հենց ԱԺ ամբիոնից։
ԲՀԿ խմբակցության մեկ այլ պատգամավոր Գևորգ Պետրոսյանն էլ Մանե Թանդիլյանից հետաքրքրվեց, մի՞թե իրենք չեն կարող ունենալ մտավախություն, որ խորհրդարանական համերաշխության մասին խոսեն հիմա, սակայն ԱԺ ընդդիմադիր փոխխոսնակ ընտրվելուց հետո մոռանան տված խոստումների մասին։ Գևորգ Պետրոսյանը հիշեցրեց, որ Մանե Թանդիլյանն իր քաղաքական կարիերան սկսել է «Դեմ եմ» շարժումից, սական նախարար ընտրվելուց հետո անգամ Սահմանադրական դատարանում չի փորձել վիճարկել կուտակային կենսաթոշակի վերաբերյալ վիճահարույց օրենքը։
Պատգամավորի հարցին ի պատասխան՝ Մանե Թանդիլյանը նկատեց, որ այս հարցում կան բազմաթիվ վիճահարույց կետեր, որոնք խնդիրներ կառաջացնեն այդ համակարգից հրաժարվելու պարագայում։ «Կարո՞ղ ենք այսօր 4 տարի գործող համակարգից հետ քայլ անել, այստեղ պետք է մտածենք։ Դուք պետք է մտածեիք, երբ կողմ էիք քվեարկում այդ համակարգի ներդրմանը»,- պատասխանելով Գևորգ Պետրոսյանին ասաց Մանե Թանդիլյանը։
Մանրամասները՝ տեսանյութում։
