Կալանքի հիմքերի հետ կապված վերապահումներ ունենք. Արամ Օրբելյան. ՏԵՍԱՆՅՈՒԹ

ՀՀ երկրորդ նախագահ Ռոբերտ Քոչարյանի պաշտպանական թիմը նրա կալանքի հետ կապված խնդիրներ է տեսնում: Հունվարի 14-ին լրագրողների հետ զրույցում փաստաբան Արամ Օրբելյանն ասաց, որ ամենամեծ խնդիրը տոնական օրերին կալանքի հարցի քննարկումը հետաձգելն էր:

«Մենք ներկայացրել ենք միջնորդություն անցած տարվա դեկտեմբերի 26-ին, դատական նիստը նշանակվել է ամսի 28-ին՝ տարվա վերջին աշխատանքային օրը, ժամը 17:00-ին: Ըստ էության՝ մեկ ժամ ժամանակ է տրվել քննելու, որից հետո գործը հետաձգվել է ոչ թե մինչև հունվարի 8-ը, այլ 9-ը՝ նույնիսկ առաջին աշխատանքային օրը չի դրվել: Այն դեպքում, երբ կալանքի հարցը տոնական օրերին էլ պետք է քննվի՝ անկախ աշխատանքային ժամ լինելու կամ չլինելու հանգամանքից: Այստեղ մենք խնդիր տեսնում ենք, և դա հիմք է հանդիսանալու ևս մեկ բողոքի, որը հիմա մշակման փուլում է»,- նշեց Արամ Օրբելյանը:

Ինչ վերաբերում է դատավորին ինքնաբացարկի միջնորդություն ներկայացնելուն, Արամ Օրբելյանն ասաց՝ միջնորդությունը ներկայացրել են՝ հիմք ընդունելով նախագահող դատավորի ընտանիքի և իր միջև առկա որոշակի ընկերական կապը:

«Նախագահող դատավորի որդու հետ ես բավական մտերիմ շփումներ եմ ունեցել, ընկերներ ենք եղել: Դրա հետ կապված՝ կա անաչառության հետ կախված որոշակի էլեմենտ: Եթե արդարացվեց, եթե գրավը կիրառվեր, եթե կալանքը չերկարացվեր, քննարկման առիթ էր դառնալու, և ՀՔԾ-ն ևս մեկ անգամ կասեր, որ դա ապօրինի որոշում է, այդ պատճառով դատավորին խնդրել ենք հայտնել ինքնաբացարկ»,- նշեց նախկին նախագահի պաշտպանը:

Մանրամասները՝ տեսանյութում