02.07.2026 | 19:10
Դիակի վրա կարող ա մարդուն բռնես՝ գնան արդարանան, դուրս գան․ Փաշինյանը՝ դատական համակարգի մասին․ ՏԵՍԱՆՅՈՒԹ
Այս խորհրդարանը Հայաստանում վերականգնված ժողովրդավարության գլխավոր երաշխիքն է. Հայկ Կոնջորյան. ՏԵՍԱՆՅՈՒԹ
Քաղաքականություն
14.01.2019 | 16:28
Հայաստանում հեղափոխություն տեղի ունեցավ, որովհետև խախտվել էր հանրային դաշինքը քաղաքացու և իշխանության միջև: Հունվարի 14-ին նորընտիր Ազգային ժողովի առաջին նիստում ունեցած ելույթում այս մասին հայտարարեց «Իմ քայլը» խմբակցության պատգանավոր Հայկ Կոնջորյանը:
Նա թվարկեց եվրոպական մի շարք երկրներում խնդիրների մասին բարձրաձայնելու ավանդույթները՝ առանձնացնելով Անգլիան, որտեղ «ազգի բոլոր հակասությունները տեղափոխում են պառլամենտ և սկսում քննարկել դրանք՝ ամենադաժան բանավեճերի և, ի վերջո, կոմպրոմիսի արդյունքում»:
«Այսօրվա պառլամենտարիզմի լավագույն ավանդույթները թելադրում են, որ մեր բոլոր համապետական խնդրները պետք է տեղափոխենք այստեղ, պետք է հարթենք սուր կողմերը, պետք է փորձենք փողոցում հնչող ցանկացած բողոք բերել այստեղ և որպես պատգամավորներ՝ այդ քաղաքացիների պատգամը հնչեցնել այստեղ և գտնել այդ խնդիրների լուծման բանալին»,- հավելեց Կոնջորյանը:
Իսկ Հայաստանում, նրա խոսքով, պառլամենտը ձևավորվում էր գլխավորապես փոքրաթիվ մարդկանց ստվերային դաշինքի, և ոչ թե իշխանության ու ժողովրդի դաշինքի միջև. «Եվ հեղափոխության արդյունքում հանրային դաշինքը ձևավորվել է, և այդ դաշինքի ամենակենտրոնական հարթակը հենց այս խորհրդարանն է: Հենց այս խորհրդարանն է Հայաստանում վերականգնված հանրային դաշինքի և ժողովրդավարության գլխավոր երաշխիքը, այդ իմաստով մենք բոլորս չափազանց մեծ պատասխանատվություն ենք կրում այս դարակազմիկ իրողության համար»:
Մանրամասները՝ տեսանյութում
