07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Լենա Նազարյանը՝ ԱԺ փոխնախագահի պաշտոնում իր անելիքների մասին․ ՏԵՍԱՆՅՈՒԹ
Քաղաքականություն
14.01.2019 | 16:06
7-րդ գումարման Ազգային ժողովի փոխնախագահի պաշտոնում խորհրդարանի «Իմ քայլը» խմբակցությունը առաջադրել է պատգամավոր Լենա Նազարյանի թեկնածությունը։
Իր ելույթում Լենա Նազարյանը հայտարարեց, որ հպարտությամբ է նշում, որ ինքը ՀՀ -ի պատմության մեջ ամենաշատ քվե ստացած խմբակցության առաջադրած պատգամավորի թեկնածուն է և շեշտեց․ «Այսպիսի ծանրակշիռ վստահությունը նշանակում է մեծ ակնկալիքներ Ազգային ժողովից: Հարգելի հայրենակիցներ, գործելու ենք միասնաբար, անխափան կապի պայմաններում, գործելու ենք լավագույն լուծումներով»:
Լենա Նազարյանն իր ելույթի ընթացքում ներկայացրեց, թե ինչպես է իրականացնելու ժողովրդի ակնկալիքներն ԱԺ փոխնախագահի պաշտոնում։
«Մենք գործելու ենք մեր ընտրողների, մեզ չընտրած քաղաքացիների և ՀՀ բնակիչների հետ համատեղ աշխատանքի, քննադատությունների և բանավեճերի արդյունքում ծնված լուծումներով»,- ասաց ԱԺ փոխնախագահի թեկնածուն։
Լենա Նազարյանը նաև նշեց, որ դժգոհություններ կան, որ այս ԱԺ-ն մեծաթիվ է և 27-ով ավելի պատգամավոր ունի, որը պետբյուջեի ծանրաբեռնվածությունն ավելացնում է:
«Դա նախորդ իշխանության կողմից ընդունած Սահմանադրության պատճառով է: Բայց ավելի մեծ խմբակցությունը պետք է ենթադրի պատգամավորի աշխատանքի և արդյունքների բազմապատկում, ինչն էլ ջանալու ենք դարձնել արդյունք»,- ասաց նա:
Վերջինս անդրադարձավ նաև հասարակության մեջ հնչող այն քննադատություններին, ըստ որի, նորընտիր պատգամավորներից շատերը չունեն փորձ։
«Ես և իմ թիմակիցներից շատերը մինչ հեղափոխությունը զրկված ենք եղել պետական համակարգում կառավարման փորձ կուտակելու հնարավորությունից։ Մենք ունենք, սակայն, չհանձնվելու, մեր գաղափարներին և օրակարգերին հավատարիմ մնալու փորձ»,- ասաց Լենա Նազարյանը։
Մանրամասները՝ տեսանյութում։
