06.06.2026 | 13:33
Քրեական աստիճանակարգության բարձրագույն կարգավիճակ ունեցող անձը և ևս մեկ անձ ձերբակալվել են
Դահուկավազքում զարգացող հինգ երկրների 23 մարզիկների մասնակցությամբ Լիբանանում անց է կացվել միջազգային մրցաշար
14.01.2019 | 15:21
Դահուկավազքում զարգացող հինգ երկրների 23 մարզիկների մասնակցությամբ Լիբանանում անցկացվեց միջազգային մրցաշար: Մասնակիցների թվում էին նաև Հայաստանի պատվիրակները: Ազատ ոճի կանանց 5 կմ. մրցատարածությունում առաջինն էր աշոցքից Կատյա Գալստյանը, իսկ նրա համաքաղաքացի և թիմակից Թադևոս Պողոսյանը լավագույնն էր տղամարդկանց 10 կիլոմետրում:
Հայաստանի դահուկավազքի հավաքականի գլխավոր մարզիչ Արթուր Միքայելյանն ասաց, որ հունվարի 20 –ին Ֆինլանդիայի Լախտիում կսկսվի աշխարհի երիտասարդական / մինչև 20 տարեկանների մասնակցությամբ / առաջնությունը: Դրան կհաջորդի Ավստրիայի Զեֆելդ քաղաքում փետրվարի 19 –ին մեկնարկող աշխարհի մեծահասակների առաջնությունը: Մեր երկիրը կներկայացնեն , ինչպես մարզիչն ասաց զրույցի ժամանակ` 5 -6 մարզիկ –մարզուհիներ:
Երրորդ կարևոր ստուգատեսը հանդիսանում է Ռուսաստանի Կրասնոյարսկում մարտի սկզբներին նախատեսված համաշխարհային ուսանողական խաղերը:Դահուկավազքի մրցաշարում Հայաստանից հանդես կգա մեր միակ առաջատար ուսանող Միքայել Միքայելյանը:
Հավաքականը ակտիվորեն շարունակում է մարզվել ` շեշտը դնելով արագաուժային որակների բարելավման վրա:
ՀԱՕԿ լրատվական բաժին
