07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Ղազախստանում ահաբեկչություններ նախապատրաստելու մեջ կասկածվող ԻՊ-ի կողմնակիցներ են ձերբակալվել
Քաղաքականություն
14.01.2019 | 14:41
Ղազախստանի Ազգային անվտանգության կոմիտեի աշխատակիցները հատուկ գործողության ընթացքում մի խումբ անձանց են ձերբակալել, որոնց կասկածում են երկրում ահաբեկչություններ նախապատրաստելու մեջ: ՏԱՍՍ-ի փոխանցմամբ՝ այս մասին հայտնել է ԱԱԿ մամուլի ծառայությունը:
Կենտրոնական Ասիայից կասկածյալներին ձերբակալել են հունվարի 10-ին Ալմաթիում: Նրանց ժամանակավոր բնակության վայրերում խուզարկությունների ընթացքում հայտնաբերվել և առգրավվել են ինքնաշեն պայթուցիկ սարքերի պատրաստման համար անհրաժեշտ բաղադրիչներ, զենք ու զինամթերք:
Հետաքննության վարկածի համաձայն՝ նրանք գործել են «Իսլամական պետություն» ահաբեկչական խմբավորման ահաբեկիչների հանձնարարությամբ և ղեկավարությամբ:
«Նույն տվյալների համաձայն՝ նախատեսվում էր պայթուցիկները գործի դնել և զինված հարձակում իրականացնել Ալմաթիում, քաղաքացիական բնակչության զանգվածային կուտակումների վայրերում»,- հստակեցրել են ԱԱԿ-ում:
Գործով հետաքննությունը շարունակվում է:
