02.07.2026 | 20:10
Զելենսկին հայտարարել է, որ Ռուսաստանը պատասխան կստանա Կիևի վրա զանգվածային հարվածի համար
Թրամփը Թուրքիային պատժամիջոցներով է սպառնացել, եթե Անկարան հարձակվի Սիրիայի քրդերի վրա
Քաղաքականություն
14.01.2019 | 14:21
ԱՄՆ նախագահ Դոնալդ Թրամփը Թուրքիային տնտեսական պատժամիջոցներով է սպառնացել, եթե Անկարան որոշի հարձակվել Սիրիայի քրդերի վրա: Այս մասին գրում է ՌԻԱ Նովոստին:
«Սկսում ենք վաղուց հասունացած զորքերի դուրսբերումը Սիրիայից, միաժամանակ ուժգին հարվածներ ենք հասցնում այն ամենին, ինչ մնացել է «Իսլամական պետության» խալիֆայությունից: Նորից կհարձակվենք գոյություն ունեցող մի շարք բազաներից, եթե ԻՊ-ն վերակազմավորվի: Թուրքիային տնտեսապես կհյուծենք, եթե նրանք հարվածեն քրդերին»,- Twitter-ում գրել է Սպիտակ տան ղեկավարը:
Նրա խոսքով՝ ԱՄՆ-ն չի ցանկանում նաև, որ «քրդերը սադրեն Թուրքիային»:
Ավելի վաղ ԱՄՆ պետքարտուղար Մայք Պոմպեոն հայտարարել էր, որ Սիրիայում «երկու հազար» ամերիկացի զինծառայող կա, և այդ երկրից նրանց դուրսբերումը չի փոխի անհրաժեշտ ռազմական գործողություններ անցկացնելու՝ երկրի ունակությունը:
Միաժամանակ, Թուրքիայի նախագահը հայտարարել էր, որ Անկարան պատրաստ է գործողություն սկսել Եփրատ գետից արևելք և սիրիական Մանբիջում տեղակայված սիրիական քրդերի ինքնապաշտպանական ուժերի դեմ, եթե ԱՄՆ-ն նրանց դուրս չբերի այնտեղից: Ավելի ուշ, Թրամփի հետ հեռախոսազրույցից հետո, Էրդողանը հայտարարեց Սիրիայում ռազմական գործողությունը հետաձգելու մասին:
