19.01.2026 | 09:33
Սարավան-«Զանգեր» կոչվող հատվածում և Ջերմուկ քաղաքում բուք է
Արդոք պատրա՞ստ է Արարատ Միրզոյանն աջակցել սուպերվարչապետությունից ձերբազատվելու ԼՀԿ-ի քայլերին․ ՏԵՍԱՆՅՈՒԹ
Քաղաքականություն
14.01.2019 | 13:17
«Ավտորիտարիզմի հենքը հանդիսացող սուպերվարչապետական համակարգի փոփոխման հետ կապված մեր քայլերին Դուք, եթե ընտրվեք Ազգային ժողովի նախագահ, պատրա՞ստ եք աջակցել, կամ դրան միտված քայլեր անել՝ երկիրը իրական խորհրդարանական կառավարման հունի մեջ գցելու համար»,- այսօր խորհրդարանում ԱԺ նախագահի թեկնածու Արարատ Միրզոյանին հարցրեց «Լուսավոր Հայաստան» խմբակցության նախագահ Էդմոն Մարուքյանը։
Պատգամավորի հարցին ի պատասխան Արարատ Միրզոյանը նշեց․ «Մենք բազմիցս առիթ ենք ունեցել քննարկել այս հարցը և մեր դժգոհությունները հայտնել որոշ կարգավորումների վերաբերյալ։ Անշուշտ, մենք ելնում ենք նաև այն հանգամանքից, որ որոշակի բաներ պայմանավորված են անձերով, և էն անձերի կողմից, որոնք դրանք նախկինում կարող էին ի չարս օգտագործել, այժմ կօգտագործվեն ի բարօրություն։ Բայց չպետք է սահմանափակվենք անձերի առկայությամբ և պետք է ստեղծենք համապատասխան իրավական մեխանիզմներ։ Մենք բաց ենք քննարկումների համար․ խոսել ենք ՊԵԿ-ի, Ոստիկանության՝ ԱԺ գալու և հաշվետու լինելու մասին, կարծում եմ, առաջիկայում կխոսենք այդ հարցերի վերաբերյալ»,- ասաց Արարատ Միրզոյանը։
Մանրամասները՝ տեսանյութում։
