02.07.2026 | 22:50
Հաստատվել է ՀՀ 2027-2029 թթ. պետական միջնաժամկետ ծախսերի ծրագիրը
Որ ես հարվածեմ, Վյաչեսլավը կարա՞ ոտքի վրա մնա. Գագիկ Ծառուկյան. ՏԵՍԱՆՅՈՒԹԵՐ
Հասարակություն
14.01.2019 | 11:52
ԱԺ «Բարգավաճ Հայաստան» խմբակցության ղեկավար Գագիկ Ծառուկյանը խորհրդարանի որոշ նիստերից բացակայելու է: Այս մասին այսօր խորհրդարանում լրագրողների հետ զրույցում ասաց Ծառուկյանը:
«Մեր քաղաքացիների ցավը տանեմ, եթե ես արհամարհեմ, պարապ լինեմ, չգամ, բայց դուք գիտեք, որ Ծառուկյանը բազմաթիվ գործերով է զբաղված, որոնք բոլորը լիարժեք հասցնում է»,- ԱԺ նիստերից իր բացակայությունները փորձեց հիմնավորել ԲՀԿ առաջնորդը:
Հարցին, թե որն է իր պատկերացմամբ օլիգարխը, Գագիկ Ծառուկյանն ասաց. «Օլիգարխը նա է, ով պետական պաշտոնի գալով սեփական կատու չի ունեցել, իսկ պաշտոնում լինելով դարձել է միլիարդատեր»:
Անդրադառնալով «Լուսավոր Հայաստանի» նախագահ Էդմոն Մարուքյանի հետ ունեցած տարաձայնություններին` Գագիկ Ծառուկյանը հայտարարեց՝ բանավեճ է եղել, որի ժամանակ յուրաքանչյուրը հայտնել է իր կարծիքը՝ վստահեցնելով, որ այս պահին «Լուսավոր Հայաստանի» և անձամբ Էդմոն Մարուքյանի հետ ինքը ոչ մի տարաձայնություն չունի:
Անդրադառնալով Մարտի 1-ի գործին իր հնարավոր առնչությանը, ԲՀԿ ղեկավարը հորդորեց կարդալ «Հայկական ժամանակ» թերթը. «Ես ի՞նչ կապ ունեմ դրա հետ: Գնացեք բացեք Նիկոլ Փաշինյանի թերթը, որ գրած էր միակ մարդը, որ ժողովրդի կողքին ա եղել….»
Մանրամասները՝ տեսանյութում:
