ԼՀԿ-ի պատգամավորը ԿԲ-ից 51 մլն դրամ է ստացել. ինչ ունեցվածք ունեն այս խմբակցության պատգամավորները. ԼՈՒՍԱՆԿԱՐՆԵՐ

7-րդ գումարման Ազգային ժողովում լինելու է 132 պատգամավոր: Ամենափոքր խմբակցությունը՝ 18 պատգամավորով, «Լուսավոր Հայաստան» կուսակցությունն է ունենալու:

Factor.am-ը ներկայացնում է այս խմբակցության պատագամավորների ունեցվածքը:

Արման Բաբջանյան- առանձնատան, հողամասի, «Տոյոտա Քեմրի» եւ «Տոյոտա Պրադո» մակնիշի ավտոմեքենաների սեփականատեր է:

Եկամուտներ. աշխատավարձ «Սկիզբ» ՍՊԸ-ից՝ 1 մլն 160 հազար դրամ: Դրամական միջոցներ. 1 մլն դրամ: «Սկիզ» ՍՊԸ-ի (1in.am կայք, «Ժամանակ» օրաթերթ) 100 տոկոս բաժնետերն է:

Արկադի Խաչատրյան- սեփականատեր է երկու բնակարանի, մեկ ավտոտնակի: Համասեփականատեր է մեկ բնակարանի եւ նկուղով հասարակական տարածքի շինության: Եկամուտներ. աշխատավարձ Կենտրոնական բանկից՝ 21 մլն դրամ, Հայ-ռուսական համալսարանից՝ 53 հազար դրամ, փոխառության տոկոսներ ԿԲ-ից՝ 5 մլն 200 հազար դրամ: «Ակբա կրեդիտ ագրիկոլ բանկից»՝ 102 հազար դրամ: Դրամական միջոցներ. 150 հազար դրամ, 51 մլն 405 հազար դրամ, 500 հազար դրամ եւ 3 հազար դոլար: Ունի նաեւ 3 մլն դրամի արժեթղթեր:

Անի Սամսոնյան- մեկ բնակարանի համասեփականատեր է: Եկամուտներ. աշխատավարձ ԱԺ-ից՝ 149 հազար դրամ, փոխհատուցում Երեւանի քաղաքապետարանից՝ 55 հազար դրամ: Դրամական միջոցներ. 200 հազար դրամ:

Հարություն Բաբայան- եկամուտներ. փոխհատուցում Երեւանի քաղաքապետարանից՝ 660 հազար դրամ: Դրամական միջոցներ. 2 մլն 200 հազար դրամ եւ 800 դոլար: «Վի Էյջ Էյչ» ՍՊԸ-ի սեփականատեր:

Արմեն Եղիազարյան- սեփականատեր է մեկ բնակարանի, մեկ բիզնես տարածքի եւ մեկ հողամասի, ինչպես նաեւ երկու հատ «Ֆորդ Էրազիս» մակնիշի ավտոմեքենաների: Համասեփականատեր է նաեւ մեկ բնակարանի: Եկամուտներ. «Պիրամիդա Կվինտ» ՍՊԸ-ից շահույթ՝ 6 մլն դրամ: Դրամական միջոցներ. 4 մլն 260 հազար դրամ, 7 հազար 500 ԱՄՆ դոլար եւ 800 եվրո: «Պիրամիդա Կվինտ» ՍՊԸ-ի 50 տոկոսի սեփականատերն է:

Աննա Կոստանյան-եկամուտներ. նվիրատվություն՝ 250 հազար դրամ, այլ եկամուտներ՝ 150 հազար դրամ: Դրամական միջոցներ. 500 հազար դրամ:

Կարեն Սիմոնյան- եկամուտներ, աշխատավարձ Ազգային ժողովից՝ 1 մլն 924 հազար դրամ: Դրամական միջոցներ. 1 մլն դրամ եւ 300 դոլար:

Սրբուհի Գրիգորյան- հայտարարագիրը բացակայում է ԿԸՀ կայքում:

Սարգիս Ալեքսանյան- սեփականատեր է «Ֆորդ» մակնիշի մեքենայի եւ համասեփականատեր մեկ առանձնատան: Եկամուտներ. աշխատավարձ «Հորիզոն» ՍՊԸ-ից՝ 1 մլն 680 հազար դրամ: Դրամական միջոցներ. 14 մլն դրամ:

Սարիկ Մինասյան- սեփականատեր է երկու ավտոմեքենայի եւ համասեփականատեր մեկ բնակարանի: Եկամուտներ. աշխատավարձ ՍԱԾ-ից՝ 2 մլն 460 հազար դրամ, դրամական միջոցներ. 5 հազար ռուբլի:

Տարոն Սիմոնյան- սեփականատեր է մեկ բնակարանի, BMW 325 I եւ Mazda 3 մակնիշի ավտոմեքենաների: Եկամուտներ. շահույթ «Ի ԷԼ ԷԼ գործընկերություն» ՓԲԸ-ից 26 մլն դրամ, աշխատավարձ ԵՊՀ-ից՝ 2 մլն 580 հազար դրամ, աշխատավարձ «Ի Էլ ԷԼ գործընկերություն» ՓԲԸ-ից՝ 2 մլն 580 հազար դրամ, այլ եկամուտներ՝ 5 մլն դրամ:

Հրանտ Այվազյան- երկու ավտոմեքնեայի սեփականտեր է եւ մեկ բնակարանի համասեփականտեր: Եկամուտներ. ՀԱՊՀ Վանաձորի մ/ճ-ից աշխատավարձ՝ 546 հազար դրամ, «Լոռու զարգացման կենտրոն» ՀԿ-ից՝ 1 մլն 200 հազար դրամ, «Ար-Մոբի» ՓԲԸ-ից՝ 2 մլն 376 հազար դրամ, մեքենայի վարձակալությունից՝ 1 մլն 200 հազար դրամ: Դրամական միջոցներ. 5 մլն 700 հազար դրամ, 29 հազար 600 դոլար, 7800 եվրո:

Ռուբիկ Ստեփանյան- մեկ բնակարանի եւ մեկ առանձնատան սեփականատեր է: Եկամուտներ. կենսաթոշակ՝ 2 մլն դրամ: Դրամական միջոցներ. 10 հազար ԱՄՆ դոլար:

Էդվարդ Անդրեասյան- եկամուտներ. աշխատավարձ «Էսքիզ-պրոջեքթ» ՍՊԸ-ից՝ 800 հազար դրամ, Արմավիրի մարզպետարանից՝ 424 հազար դրամ: Դրամական միջոցներ. 500 ԱՄՆ դոլար եւ 250 հազար դրամ:

Մանե Թանդիլյան- համասեփականատեր է մեկ բնակարանի: Եկամուտներ. աշխատավարձ Ազգային ժողովից՝ 3 մլն 960 հազար դրամ, աշխատանքի եւ սոցիալական հարցերի նախարարությունից՝ 4 մլն 758 հազար դրամ: Դրամական միջոցներ. 500 հազար դրամ եւ 200 ԱՄՆ դոլար:

Էդմոն Մարուքյան- Toyota Camry մակնիշի ավտոմեքենայի եւ մեկ բնակարանի սեփականատեր է: Եկամուտներ. աշխատավարձ ԱԺ-ից՝ 6 մլն 472 հազար դրամ, գործուղման օրապահիկ ԱԺ-ից՝ 2 մլն 882 հազար դրամ, բնակվարձ ԱԺ-ից՝ 1 մլն 200 հազար դրամ, պատգամավորական գումար ԱԺ-ից՝ 600 հազար դրամ: Դրամական միջոցներ. 2 մլն 509 հազար դրամ, 1331 ԱՄՆ դոլար եւ 440 եվրո:

Գեւորգ Գորգիսյան- բնակարանի համասեփականատեր է, ավտոտնակի եւ ավտոմեքենայի սեփականատեր: Եկամուտներ. աշխատավարձ ԱԺ-ից 5 մլն 500 հազար դրամ: Դրամական միջոցներ. 1 մլն 148 հազար դրամ:

Գուրգեն Բաղդասարյան- մեկ բնակարանի համասեփականատեր է: Եկամուտներ. աշխատավարձ «Պրես Այրենր» ՍՊԸ-ից՝ 6 մլն դրամ: Դրամական միջոցներ. 9 հազար դոլար եւ 350 հազար ռուբլի:

«Իմ քայլը» դաշինքի եւ ԲՀԿ-ի պատգամավորների ունեցվածքին արդեն անդրադարձել ենք:

Հայկ Վարդանյան