08.02.2026 | 22:09
Չեխիայի իշխանությունները ցանկանում են երեխաներին արգելել օգտվել սոցիալական ցանցերից
Մարիա Զախարովան առաջին անգամ չէ հանդես գալիս այնպիսի հայտարարություններով, որոնք հակասում են ռուս-ադրբեջանական ռազմավարական հարաբերությունների ոգուն. Ադրբեջանի ԱԳՆ
Քաղաքականություն
12.01.2019 | 18:04
ՌԴ ԱԳՆ պաշտոնական ներկայացուցիչ Մարիա Զախարովան առաջին անգամ չէ հանդես գալիս այնպիսի հայտարարություններով, որոնք հակասում են ռուս-ադրբեջանական ռազմավարական հարաբերությունների ոգուն. այս մասին ասել է Ադրբեջանի ԱԳՆ մամուլի ծառայության ղեկավարի պաշտոնակատար Լեյլա Աբդուլաևան՝ մեկնաբանելով Զախարովայի հայտարարությունը։
Հիշեցնենք, որ ՌԴ ԱԳՆ խոսնակն ասել էր՝ Մոսկվան հույս ունի, որ Բաքուն կհրաժարվի էթնիկ հողի վրա ՌԴ քաղաքացիների, մասնավորապես՝ ազգությամբ հայերի նկատմամբ խտրական վերաբերմունքից, և չի խոչընդոտի Ադրբեջան նրանց մուտքը:
Աբդուլաևան հավաստիացրել է, որ Ադրբեջանը միշտ բաց է Ռուսաստանի քաղաքացիների համար։ Նրա խոսքով՝ միայն 2018թ-ին ՌԴ 880 հազար քաղաքացիներ այցելել են Ադրբեջան, և նրանց կողմից ոչ մի բողոք չի եղել։
Ավելի վաղ` դեկտեմբերի 29–ին, Ռուսաստանի քաղաքացի Քրիստինա Գևորգյանը Facebook սոցիալական ցանցում գրել էր, որ 13 ժամ անցկացրել է Բաքվի Հեյդար Ալիևի անվան միջազգային օդանավակայանում։ Նա ցանկացել է Նոր տարին անցկացնել Ադրբեջանում, բայց անձնագրային սեղանի մոտ նրան կանգնեցրել են։ Գևորգյանը գրել է, որ իրենից բացի ևս երկու ընտանիքների թույլ չեն տվել գնալ Բաքու` նրանց ազգականներից մեկի հայկական ազգանվան պատճառով։
