20.05.2026 | 11:30
Ռուսաստանը հարվածել է Ուկրաինայի մի քանի շրջանների.կան զոհեր ու վիրավորներ
«Հայաստանի փոքրիկ երգիչների» տարածքի հարցը լուծվել էր դեռ մինչև փլուզումը. փոխքաղաքապետ. ՏԵՍԱՆՅՈՒԹ
Հասարակություն
12.01.2019 | 13:37
Երևանի փոխքաղաքապետ Տիգրան Վիրաբյանն ասում է, որ պաշտոնավարման առաջին իսկ օրվանից «Հայաստանի փոքրիկ երգիչներ» երգչախումբը գտնվել է քաղաքապետարանի ուշադրության կենտրոնում, քանի որ «սա Երևանի քաղաքապետարանի ենթակայությամբ գործող լավագույն ստեղծագործական կոլեկտիվներից մեկն է»: Տնօրինության հետ քննարկվել է ժամանակավորապես երգչախմբի գործունեությունը Արամի 23-ի վթարային շինությունից տեղափոխելու հարցը:
Ինչպես տեղեկացնում են Երևանի քաղաքապետարանից, հունվարի 11-ի դրությամբ արդեն պայմանավորվածություն կար տարածքի ընտրության հարցում, փոխքաղաքապետի առաջարկով երգչախմբի գեղարվեստական ղեկավար Տիգրան Հեքեքյանն ընտրել է «Փոքրիկ երգիչների» աշխատանքի համար հարմար պայմաններով տարածք, որի վարձակալության գումարը պարտավորվել է վճարել «Հին Երևան» նախագծի շրջանակներում տարածքն իրացնող կազմակերպությունը:
Հիշեցնենք, որ երեկ ուշ երեկոյան փլուզվել է Արամի 23 հասցեի մշակութային հուշարձանի վթարված պատը:
Մանրամասները՝ տեսանյութում:
