19.01.2026 | 09:33
Սարավան-«Զանգեր» կոչվող հատվածում և Ջերմուկ քաղաքում բուք է
Թուրքիան հանուն ամերիկյան Patriot-ների չի հրաժարվի ռուսական S-400-ներից
Քաղաքականություն
11.01.2019 | 20:16
Թուրքիայի արտաքին գործերի նախարար Մևլութ Չավուշօղլուն լրագրողների հետ զրույցում անդրադարձել է ռուսական «S-400» և ամերիկյան «Patriot» զենիթահրթիռային ՀՕՊ համակարգերի շուրջ ստեղծված իրավիճակին. գրում է ermenihaber-ը:
Հայտնի է, որ Թուրքիան Ռուսաստանի հետ արդեն ստորագրել է ռուսական ՀՕՊ համակարգերի ձեռքբերման պայմանագիր։ Նախատեսվում է, որ այդ համակարգերի առաջին խմբաքանակը Թուրքիային կմատակարարվի 2019-ին։ Այժմ էլ Անկարան բանակցություններ է սկսել ամերիկյան «Patriot» զենիթահրթիռային ՀՕՊ համակարգերի առքի շուրջ։
Թուրքիայի արտգործնախարարը զգուշացրել է ԱՄՆ-ին, որ եթե Վաշինգտոնը հանկարծ «Patriot»-ների վաճառքի դիմաց պահանջի, որ Թուրքիան հրաժարվի S-400»-ներից, ապա թուրքական կողմը կդադարեցնի բանակցությունները ամերիկյան կողմի հետ։ Նա շեշտել է, որ Թուրքիան ոչ մի դեպքում չի հրաժարվի ռուսական համակարգերից։
Հիշեցնենք, որ ավելի վաղ Թուրքիայի ռազմարդյունաբերության ղեկավար Իսմայիլ Դեմիրը մի քանի օր առաջ հայտարարել էր, թե S-400-ները ամբողջովին չեն երաշխավորում Թուրքիայի անվտանգությունը, այդ պատճառով Անկարան բանակցություններ է վարում նաև ամերիկյան համակարգերի ձեռքբերման համար։
