02.07.2026 | 18:18
Եգիպտոսի նախագահը շնորհավորել է վարչապետ Փաշինյանին ընտրություններում հաղթանակի առիթով
Խոզի գրիպի պատճառով Հարավային Օսիան փակում է Վրաստանի հետ սահմանը
Քաղաքականություն
11.01.2019 | 16:48
Հարավային Օսիայի և Վրաստանի սահմանը հունվարի 11-ի երեկոյան 20:00-ից կփակվի՝ խոզի գրիպի տարածման սպառնալիքի պատճառով: Այս մասին գրում է Gazeta-ն՝ վկայակոչելով Հարավային Օսիայի ՊԱԿ-ի հաղորդագրությունը:
Գերատեսչության տեղեկացմամբ՝ հունվարի 10-ին Հարավային Օսիայի Անվտանգության խորհուրդն արտակարգ նիստ է հրավիրել՝ Վրաստանում գրիպի H1N1 տեսակի (խոզի գրիպ) բռնկման հետ կապված, որի հետևանքով այդ երկրում արդեն 13 մարդ է մահացել:
«Հանրապետության տարածք վիրուսի հնարավոր ներթափանցումը կանխելու նպատակով որոշվել է հունվարի 11-ին 20:00-ից ժամանակավորապես դադարեցնել Հարավային Օսիայի և Վրաստանի պետական սահմանային անցակետերի աշխատանքը՝ մինչև հատուկ կարգադրություն»,- նշել են գերատեսչությունում:
Նշենք, որ Վրաստանի առողջապահության նախարարության հիվանդությունների վերահսկողության ազգային կենտրոնի տնօրեն Ամիրան Գամքրելիձեն հաստատել է, որ վիրուսի զոհ է դարձել 13 մարդ:
H1N1-ը գրիպի A վիրուսի ենթատեսակ է, որն արձանագրվում է ինչպես մարդկանց, այնպես էլ կենդանիների մոտ:
