22.04.2026 | 22:59
Բազեյանն ու Հարությունյանը զրկվեցին հաղթանակից. Հայաստանի բռնցքամարտի ֆեդերացիան ահազանգում է խայտառակ մրցավարության մասին
Իսպանիայում հայ անդամներ ներառող հանցավոր խմբավորում է վնասազերծվել. ՏԵՍԱՆՅՈՒԹ
Քաղաքականություն
10.01.2019 | 20:05
Իսպանիայի քաղաքացիական գվարդիան հանցավոր խմբավորում է վնասազերծել, որը զբաղվել է պրոֆեսիոնալ թենիսիստների կաշառելով՝ խաղերի հաշվի վրա ազդելու նպատակով: ՏԱՍՍ-ի փոխանցմամբ՝ այս մասին հայտնել են թագավորության իրավապահները:
Իրավապահները 15 կասկածյալի են ձերբակալել: Ընդհանուր առմամբ, գործով 83 անձ է անցնում, այդ թվում՝ 28 մարզիկ, որոնցից մեկը մասնակցել է թենիսի ԱՄՆ-ի վերջին բաց առաջնությանը:
Հետաքննությունը կարծում է, որ հանցավոր խմբավորումը կաշառել է թենիսիստներին, որպեսզի հետագայում կարողանա համակարգել սպորտային խաղադրույքները: Գվարդիականները գործողության ընթացքում 11 խուզարկություն են կատարել իսպանական 9 նահանգներում՝ առգրավելով 167 հազար եվրո, փաստաթղթեր, համակարգիչներ:
AP-ի աղբյուրի հաղորդմամբ՝ խմբավորման անդամների մի մասը Հայաստանից է: Հետաքննության տվյալներով՝ նրանք կաշառել են Futures և Challenger մրցաշարերի մասնակիցներին: Նշվում է առնվազն 97 պայմանավորված խաղի մասին:
Ոստիկանությունը հետաքննում է այս խմբի կապը հայ-բելգիական խմբավորման հետ: 2018 թվականի հունիսին Բելգիայում ձերբակալված այս խմբավորման անդամները նույնպես կասկածվում են պայմանավորված թենիսային մրցաշարեր կազմակերպելու համար:
