Տեսանյութեր
10.01.2019 | 19:39«Իմ քայլը» դաշինքի պատգամավորները խմբակցության նիստ են անցկացնում Ազգային ժողովում: Նիստին մասնակցում է նաև վարչապետի պաշտոնակատար Նիկոլ Փաշինյանը:
Ըստ տեղեկությունների՝ պատգամավորները կազմակերպական հարցեր են քննարկելու: Չի բացառվում, որ քննարկեն և հաստատեն նաև ԱԺ մշտական հանձնաժողովների ղեկավարներին թեկնածուներին:
Նշենք, որ հունվարի 10-ին Ալ.Սպենդիարյանի անվան օպերայի և բալետի ազգային ակադեմիական թատրոնի շենքում կազմակերպված հանդիսավոր արարողության ժամանակ նորընտիր պատգամավորները ստացան իրենց մանդատները:
Այս խորհրդարանը 132 պատգամավոր կունենա, որից 88-ը՝ «Իմ քայլը» դաշինքից (այդ թվում՝ 4 ներկայացուցիչ ազգային փոքրամասնություններից), 26-ը՝ «Բարգավաճ Հայաստան» կուսակցությունից, իսկ «Լուսավոր Հայաստան» կուսակցությունը ներկայացված կլինի 18 պատգամավորով:
