19.01.2026 | 16:17
Դավիթ Համբարձումյանը հնարավորություն ունեցել է չվերադառնալու, բայց վերադարձել է՝ գիտակցումով, որ գնալու է բանտ. պաշտպան
Ստրասբուրգում հստակեցրել են ԵԽ նոր գլխավոր քարտուղարի թեկնածուներին
Քաղաքականություն
10.01.2019 | 16:16
Եվրոպայի խորհրդում հստակեցրել են կազմակերպության նոր գլխավոր քարտուղարի պաշտոնի թեկնածուներին. այդ պաշտոնին հավակնում են Բելգիայի ԱԳ նախարար Դիդիե Ռեյնդերսը և Լիտվայի նախկին վարչապետ Անդրյուս Կուբիլյուսը, գրում է ՌԻԱ Նովոստին:
Նշենք, որ Եվրախորհրդի գործող գլխավոր քարտուղարը նորվեգացի Թորբյորն Յագլանդն է:
ԵԽ գլխավոր քարտուղարն ընդուվում է ԵԽԽՎ-ում ձայների մեծամասնությամբ, հինգ տարի ժամկետով՝ վերընտրվելու հնարավորությամբ: Նա գլխավորում է Եվրախորհրդի քարտուղարությունը, գործառույթներ է իրականացնում Մարդու իրավունքների եվրոպական դատարանի որոշումների իրականացման ոլորտում: Գլխավոր քարտուղարի պարտականությունների մեջ է մտնում նաև պետությունների կողմից Եվրոպական կոնվենցիայով ստանձնած պարտավորությունների արդյունավետ կատարմանը հետևելը:
Թեկնածուների հարցով ԵԽԽՎ-ում առաջին խորհրդակցությունները կանցկացվեն արդեն այս ամիս, իսկ քվեարկությունը տեղի կունենա հունիսյան նստաշրջանի ընթացքում:
Հավելենք, որ ԵԽ անդամ է նաև Հայաստանը. մեր երկիրը կազմակերպությանը միացել է 2001 թվականին:
