22.04.2026 | 22:45
Թուրք լրագրողի համար դատախազությունը պատիժ է պահանջում` հայ երիտասարդների հետ Ցեղասպանության հետ կապված զրույցի համար
Միքայել Հարությունյանը պարտադրված է արձակել 0038 հրամանը. նա պետք է գա Հայաստան. Անդրանիկ Քոչարյան. ՏԵՍԱՆՅՈՒԹ
Քաղաքականություն
10.01.2019 | 15:34
«Մարտի 1»-ի գործով փաստահավաք խմբի անդամ, «Իմ քայլը» դաշինքով պատգամավոր ընտրված Անդրանիկ Քոչարյանը վստահեցնում է, որ կյանքում որևէ բան պատահական չի լինում, և այն սերունդը, որն իրականացրեց հեղափոխությունը, այդ ճանապարհին առնչվեց նաև հին սերնդի ներկայացուցիչների հետ, որի արդյունքում էլ ինքը դարձավ պատգամավոր։ Այս մասին այսօր Ազգային ժողովի պատգամավորների մանդատների հանձնման արարողության ժամանակ Factor.am-ի հետ զրույցում ասաց Քոչարյանը։
Անդրադառնալով «Մարտի 1»-ի գործի բացահայտման ուղղությամբ տարվող աշխատանքներին՝ Անդրանիկ Քոչարյանը նշեց, որ նախաքննական մարմինն այս հարցում կարողացել է ծանրակշիռ հիմքեր ձեռք բերել, որի արդյունքում էլ 2-րդ նախագահը կալանավորված է։ «Ես տեսնում եմ նաև նրա մեղադրանքի ծավալը լրացնելու հնարավորություն, և դա առաջիկայում տեսանելի կլինի նաև հանրությանը»,- ասաց նա։
Խոսելով այս գործով անցնող պաշտպանության նախկին նախարար Միքայել Հարությունյանի մասին՝ Անդրանիկ Քոչարյանը նշեց, որ Հարությունյանը պետք է գիտակցի, որ իր գալով ինքը կտա այն հարցերի պատասխանները, որոնք անհրաժեշտ են նախաքննական մարմնին։ «Ի վերջո, այդ 0038 հրամանը նա ստորագրել է պարտադրանքի ներքո, իսկ պարտադրանք կարող էր լինել միայն Գերագույն գլխավոր հրամանատարի կողմից»,- ասաց Անդրանիկ Քոչարյանը։
Մանրամասները՝ տեսանյութում։
