26.06.2026 | 04:58
ԱԱ-2026. Նիդերլանդներն ու Ճապոնիան դուրս եկան փլեյ-օֆֆ. ՏԵՍԱՆՅՈՒԹ
Պատասխանատու ենք լինելու քաղաքացիների առաջ՝ դրանով տարբերվելով ՀՀԿ մեծամասնությունից. Գայանե Աբրահամյան. ՏԵՍԱՆՅՈՒԹ
Քաղաքականություն
10.01.2019 | 15:28
«Իմ քայլը» դաշինքով պատգամավոր ընտրված Գայանե Աբրահամյանի համոզմամբ՝ 7-րդ գումարման Ազգային ժողովի տարբերությունը նախորդ գումարման Ազգային ժողովներից տարբերվում է պատգամավորներին տրված քվեի լեգիտիմությամբ, որովհետև երբևէ խորհրդարան մտած պատգամավորները քվե չեն ստացել իրական ազատ կամարտահայտության արդյունքում։
Այս մասին այսօր Ազգային ժողովի պատգամավորների մանդատների հանձնման արարողությունից հետո Factor.am-ի հետ զրույցում ասաց Աբրահամյանը։
«Մենք այսուհետ պատասխանատու ենք բոլորի առաջ։ Պատասխանատու ենք լինելու քաղաքացիների առաջ՝ դրանով տարբերվելով ՀՀԿ մեծամասնությունից»,-ասաց նորընտիր պատգամավորը։
Անդրադառնալով խորհրդարանում իր առաջիկա անելիքներին՝ Գայանե Աբրահամյանն ասաց, որ արդեն իսկ ունի մի շարք նախագծեր, որոնցից շատերը մշակվել են հասարակական ոլորտում ծավալված իր գործունեության ընթացքում։
«Օրինակ ՏԻՄ և Երևանի մասին օրենքներում մի շարք խնդիրներ եմ արձանագրել։ Մի շարք օրինագծերի փոփոխություններ եմ առաջարկելու երիտասարդական քաղաքականության, կրթության, ՀՌԱՀ-ի և մի շարք ոլորտներում»,- ասաց նա։
Մանրամասները՝ տեսանյութում։
