19.01.2026 | 09:33
Սարավան-«Զանգեր» կոչվող հատվածում և Ջերմուկ քաղաքում բուք է
Այն, ինչ չէր կարելի Սերժ Սարգսյանին, չի կարելի նաև այս իշխանությանը. Էդմոն Մարուքյան. ՏԵՍԱՆՅՈՒԹ
Քաղաքականություն
10.01.2019 | 14:41
«Լուսավոր Հայաստան» կուսակցությունը խորհրդարանում պատրաստ է համագործակցել բոլոր ուժերի հետ՝ այդ թվում և «Բարգավաճ Հայաստան» կուսակցության հետ, թեև նրա առաջնորդ Գագիկ Ծառուկյանի հետ չեն հանդիպել և նրա հետ ունեցած հարաբերություններում որևէ փոփոխություն չի եղել։ Այս մասին այսօր 7-րդ գումարման Ազգային ժողովի պատգամավորների մանդատները հանձնելու արարողությունից հետո լրագրողների հետ զրույցում ասաց կուսակցության առաջնորդ Էդմոն Մարուքյանը։
Խոսելով ԱԺ ընդդիմադիր խոսնակի ընտրության մասին՝ Մարուքյանը նկատեց. «Մենք ասել ենք՝ եթե ուզում եք ԲՀԿ-ից ընտրել, ընտրեք։ 3 փոխխոսնակ կա, կարող են երկուսը լինել ընդդիմադիր ուժերից, մեկը՝ իշխանությունից։ Եթե շատ են ուզում ԲՀԿ-ից ընտրել, թող ընտրեն»։
Կառավարության օպտիմալացման հարցի մասին խոսելիս Էդմոն Մարուքյանը նշեց, որ այդ նախագծին իրենք դեմ են քվեարկելու, որովհետև սուպերվարչապետական համակարգը դրա մեջ պահպանված է, իսկ այն, ինչ չէր կարելի Սերժ Սարգսյանին, չի կարելի նաև այսօրվա իշխանություններին։
«Հետևաբար, ԱԱԾ-ն, Պետեկամուտների կոմիտեն, պետք է վերադառնան խորհրդարանական վերահսկողություն»,- ասաց նա։
Մանրամասները՝ տեսանյութում։
