12.10.2026 | 13:52
Պետական բյուջեի փողերը թալանում եք, դուք թալանչի եք․ Մեսրոպ Մանուկյանը՝ ՔՊ-ին․ ՏԵՍԱՆՅՈՒԹ
Ռոբերտ Քոչարյանի գործը քննող դատավորը բավարարել է ինքնաբացարկի միջնորդությունը
Հասարակություն
10.01.2019 | 14:34
Հայաստանի երկրորդ նախագահ Ռոբերտ Քոչարյանին գրավի դիմաց ազատելու հարցով նիստն այսօր ևս տեղի չունեցավ:
Նախորդ նիստին մեղադրող դատախազը դատավոր Նելլի Բաղդասարյանին ինքնաբացարկի միջնորդություն էր ներկայացրել, որը դատարանն այսօր բավարարեց:
Նիստը հետաձգվեց անորոշ ժամանակով, մինչ գործը կմակագրվի մեկ այլ դատավորի:
Ռոբերտ Քոչարյանի փաստաբան Արամ Օրբելյանը լրագրողների հետ զրույցում դատավորի այս քայլը որակեց արդարադատությունից խուսափելու փորձ:
Պաշտպանի խոսքով` նիստերն անհարկի ձգձգվում են: Այսօրվա նիստին, ինչպես և երեկ՝ Ռոբերտ Քոչարյանը ներկա չէր:
Հիշեցնենք, որ ՀՀ 2-րդ նախագահ Ռոբերտ Քոչարյանը հուլիսի 26-ին Հատուկ քննչական ծառայություն էր ներկայացել «Մարտի 1»-ի գործով վկայի կարգավիճակով՝ հարցաքննության։ Նույն օրը նրան մեղադրանք էր առաջադրվել ՀՀ քրեական օրենսգրքի 300.1-ին հոդվածի 1-ին մասով՝ Սահմանադրական կարգը տապալելը։ Նա հուլիսին կալանավորվեց, ապա օգոստոսի 13-ին ազատ արձակվեց Վերաքննիչ դատարանից։ Ռոբերտ Քոչարյանը, սակայն ազատության մեջ երկար չմնաց, դեկտեմբերի 7-ին նա կրկին կալանավորվեց։
Լիլիթ Շաբոյան
