08.08.2026 | 17:52
Սերբիան կաջակցի Ուկրաինային ԵՄ անդամակցության ճանապարհին․ Վուչիչ
Թուրքիան «The Economist»-ի ժողովրդավարության ինդեքսում նահանջել է 10 հորիզոնականով
Քաղաքականություն
10.01.2019 | 14:22
Բրիտանական հեղինակավոր «The Economist» պարբերականը հրապարակել է 2018-ի ժողովրդավարության ինդեքսը: Ինդեքսը ցույց է տվել, որ նախորդ տարվա ընթացքում ժողովրդավարությունն ամենաշատ հետընթացն ապրել է Եվրոպայում. գրում է ermenihaber-ը:
«Ժողովրդավարության ինդեքս 2018. ե՞ս էլ» վերնագրով զեկույցը քննության է առել ժողովրդավարության վիճակը 167 երկրում:
Խնդրո առարկա բնագավառում ամենաշատ հետընթաց գրանցած երկրների ցանկում է հայտնվել Թուրքիան, որը միանգամից 10 հորիզոնականով նահանջել է և 100-րդ տեղից հանգրվանել 110-րդ ում:
Թուրքիային վերաբերող հատվածում շեշտվել է, որ 2018-ին այդ երկրում տեղի ունեցած համապետական ընտրություններն անցել են արտակարգ դրության պայմաններում և մեծամասամբ անարդար եղել:
Եվրոպայում Թուրքիային ժողովրդավարության անկման տեմպով 2018-ին հաջորդում է Ռուսաստանը: Այս երկիրը կորցրել է 9 հորիզոնական: Ըստ առկա ցուցանիշների՝ ամենաժողովրդավարական երկիրը ցուցակում Նորվեգիան է:
