19.01.2026 | 20:44
Փաշինյանի իշխանության տարիներին ՀՀ պետական պարտքը կրկնապատկվել է
Չեմ կարող ասել՝ մենք ընդդիմությո՞ւն ենք, թե՞ կոալիցիա. Վարդան Ղուկասյան. ՏԵՍԱՆՅՈՒԹ
Քաղաքականություն
10.01.2019 | 13:27
««Բարգավաճ Հայաստան» կուսակցության պատգամավոր Վարդան Ղուկասյանը նոր խորհրդարանի համար շատ առաջարկություններ ունի, որոնցից առաջնային է համարում աղետի գոտու բնակարանաշինության, Երևանը բեռնաթափելու, մարզերում աշխատատեղերի ստեղծման խնդիրները»,-պատասխանելով Factor.am-ի հարցին՝ ի՞նչ առաքելությամբ է գնում 7-րդ գումարման Ազգային ժողով, ասաց Ղուկասյանը։
Հարցին՝ ինչպե՞ս է ընդդիմանալու իր քաղաքական թիմը հեղափոխության առաջնորդ Նիկոլ Փաշինյանի ղեկավարած քաղաքական ուժին, կկարողանա՞ն արդյոք այդ ճնշմանը դիմանալ, Վարդան Ղուկասյանը պատասխանեց․ «Ես ընդհանրապես ճնշումներին միշտ էլ դիմացվել եմ և իմ բնավորությամբ այդպիսի մարդ եմ։ Առողջ ընդդիմությունը շատ կարևոր բան է, չնայած հիմա չեմ կարող ասել՝ մենք ընդդիմությո՞ւն ենք, թե՞ կոալիցիա, բայց որ կառուցողական ենք լինելու, դա փաստ է»։
Հարցին՝ ինչպե՞ս կարողացավ «Հանրապետական»կուսակցությունից անցում կատարել դեպի «Բարգավաճ Հայաստան» կուսակցություն, Ղուկասյանը պատասխանեց․ «Ընդամենը երեք ամիս եմ եղել կուսակցական, այն ժամանակ քաղաքապետերը խնդիրներ էին ունենում, եթե կուսակցական չէին լինում։ Հանուն քաղաքի դարձա կուսակցական։ Ես 2007 թվականից հետո ՀՀԿ-ի ոչ մի խորհրդի նիստի չեմ մասնակցել»։
Մանրամասները՝ տեսանյութում։
