15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Մանդատները ստանալուց հետո «Իմ քայլի» պատգամավորներն ԱԺ-ում Նիկոլ Փաշինյանի հետ նիստ են անցկացնելու
Քաղաքականություն
10.01.2019 | 12:18
Հունվարի 10-ին պատգամավորական մանդատները ստանալուց հետո «Իմ քայլը» խմբակցության պատգամավորները հանդիպելու են վարչապետի պաշտոնակատար Նիկոլ Փաշինյանի հետ: Այս մասին փոխանցում են խմբակցության Factor.am-ի աղբյուրները:
Նույն աղբյուրի փոխանցմամբ հանդիպումը տեղի է ունենալու Ազգային ժողովում: Խմբակցության նիստ է գումարվելու: Տեղեկացանք, որ պատգամավորներին հանձնարարված է ԱԺ-ում լինել 18:30-ից: Խմբակցության նիստը մեկնարկելու է 19:00-ից՝ Նիկոլ Փաշինյանի ժամանմամբ:
Պատգամավորների ներկայությունն ապահովելու համար անձամբ աշխատանքներ է տանում «Իմ քայլը» խմբակցության ապագա ղեկավար, մշակույթի նախարարի պաշտոնակատար Լիլիթ Մակունցը: Տեղեկությունը Factor.am-ի հետ զրույցում հաստատեց նաև Լիլիթ Մակունցը: Միաժամանակ չմանրամասնեց, թե նիստի օրակարգում ինչ է քննարկվելու:
Հայկ Վարդանյան
