08.02.2026 | 22:09
Չեխիայի իշխանությունները ցանկանում են երեխաներին արգելել օգտվել սոցիալական ցանցերից
Միրզոյանը բարձրաձայնում է որդեգրված երեխաների օրգանների վաճառքի մասին օդում կախված լուրերը, Վանեցյանը` հերքում․ ՏԵՍԱՆՅՈՒԹ
Հասարակություն
10.01.2019 | 12:42
Կառավարությունն այսօր ընդունեց որոշման նախագիծ, որով առաջարկվում է 18 տարին լրացած որդեգրված անձին իր որդեգրման փաստի, ծննդավայրի և ժամանակի, ինչպես նաև իր կենսաբանական ծնողների անձնական տվյալների վերաբերյալ տեղեկություններ տրամադրել։
Հարցի քննարկման ժամանակ առաջին փոխվարչապետ Արարատ Միրզոյանը նկատեց, որ տարիներ շարունակ որդեգրման գործընթացը եղել է խոցելի և այստեղ առկա են կոռուպցիոն ռիսկեր։
«Մենք էստեղ գործ ունենք մաֆիայի հետ։ Ես իմ գործունեության ընթացքում համառորեն փորձել եմ այդ կծիկը քանդել, շարունակաբար ունեցել եմ զգացողություն, որ ամեն ինչ մոտ է բացահայտման, բայց, ցավոք սրտի, վերջնարդյունք չեմ կարողացել գրանցել։ Ընդ որում՝ այն գումարների բաշխումը, որոնք սկսվում են ծննդատներից և շարունակվում մյուս հիմնարկներում միայն սառցաբեկորի գագաթն են, մենք շատ ավելի ցավալի իրավիճակի հետ գործ ունենք, մասնավորապես՝ երեխաների օրգանների վաճառքի՝ այդ թվում և արտասահման որդեգրվող։ Մենք արդարադատության նախարարի հետ խոսել ենք այս հարցով, այց է կատարվել և մինչ այս պահը եկած պատասխանները գոհացուցիչ են այն առումով, որ ոչ մի վատ դեպք չի բացահայտվել, բայց հիմնավոր կասկածներ կան, որ երեխաները երեք ուղղություններով են հիմնականում որդեգրվում, և այդ երկրները հայտնի են այդ վատ առումներով։ Խնդիրն այն է, որ կեղծ մարդիկ որդեգրում են երեխաներ և հետագայում այդ երեխաները կարող են զրկվել իրենց մեկ երիկամից։ Օդում կախված լուրեր կան, որ այդպիսի բաներ կան»,- իր մտահոգությունները հայտնեց առաջին փոխվարչապետը։
Վերջինիս բարձրաձայնած դեպքերի հետ կապված ԱԱԾ տնօրեն Արթուր Վանեցյանն արձագանքեց, որ երբևիցե նման ինֆորմացիա իրենք չեն ստացել։ «Մինչ օրս, որ ՀՀ-ից երեխա որդեգրեն և օրգաններն օգտագործեն, նման դեպք տեղի չի ունեցել։ Այդ գործընթացը գտնվում է մեր խիստ վերահսկողության ներքո»,-ասաց Վանեցյանը։
Մանրամասները՝ տեսանյութում։
