11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Ղազախստանում ՀՀ դեսպան Գագիկ Ղալաչյանը հանդիպել է այդ երկրի ՆԳ նախարարի հետ
09.01.2019 | 17:19
Ղազախստանի ՆԳ նախարար Կալմուհանբետ Քասիմովը հանդիպել է այդ երկրում ՀՀ դեսպան Գագիկ Ղալաչյանի հետ: Tengrinews.kz-ն, վկայակոչելով ՆԳՆ մամուլի ծառայությունը, գրում է, որ նախարարն ու դեսպանը կարծիքներ են փոխանակել հանցավորության դեմ պայքարի, հասարակական կարգի պահպանության և հանրային անվտանգության ոլորտում հայ-ղազախական համագործակցության վիճակի և հեռանկարների մասին:
Աղբյուրի փոխանցմամբ՝ կողմերը պատրաստակամություն են հայտնել շարունակել ամրապնդել այս ուղղություններով երկկողմ փոխգործակցությունը: Ղազախստանի ՆԳՆ-ում նշել են, որ հանդիպումն անցել է կառուցողական երկխոսության և փոխըմբռնման մթնոլորտում:
Հիշեցնենք, որ հունվարի 1-ի գիշերը Ղազախստանի Կարագանդա քաղաքում մահվան ելքով միջադեպ է տեղի ունեցել: Քաղաքի «Հին Հռոմ» ռեստորանում Ամանորը նշող հաճախորդների միջև ծեծկռտուք է տեղի ունեցել, ինչի հետևանքով 23-ամյա տղամարդ է սպանվել: Միջադեպին մասնակցության համար հայեր են կասկածվում:
