13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
«Միլանը» հետաքրքրված է Հենրիխ Մխիթարյանով
09.01.2019 | 15:52
Լոնդոնի «Արսենալի» և Հայաստանի հավաքականի կիսապաշտպան Հենրիխ Մխիթարյանը կարող է կարիերան շարունակել Իտալիայում:
Calciomercatoweb-ի համաձայն՝ 29-ամյա ֆուտբոլիստի ծառայություններով հետաքրքրված է «Միլանը»: Իտալական թիմի գլխավոր մարզիչ Ջենարո Գատուզոն ցանկանում է ուժեղացնել միջին օղակը ու նրան կիսապաշտպան է պետք: Նշվում է, որ ակումբի գլխավոր տնօրեն Լեոնարդոն արդեն զբաղվում է այդ հարցով:
Ավելի վաղ լուրեր էին շրջանառվում, որ Հենրիխ Մխիթարյանը կարող է հեռանալ «Արսենալից», քանի որ «Զինագործները» պատրաստվում են ձեռք բերել «Բարսելոնայի» կիսապաշտպան Դենիս Սուարեսին, ինչը, ըստ բրիտանական լրատվամիջոցների, կարող է նշանակել Մխիթարյանի կարիերայի ավարտը լոնդոնյան թիմում:
Հիշեցնենք, որ Հենրիխ Մխիթարյանը շարունակում է ապաքինվել ոտքի կոտրվածքից: Նա վնասվածք էր ստացել «Տոտենհեմի» միջև Անգլիական լիգայի գավաթի խաղարկության քառորդ եզրափակիչի խաղում, որը կայացել է դեկտեմբերի 19-ին:
