19.01.2026 | 09:33
Սարավան-«Զանգեր» կոչվող հատվածում և Ջերմուկ քաղաքում բուք է
Նորակոչիկներին տեղափոխող ավտոբուսի վրա հարձակման գործով 7 անձ ինքնակամ ներկայացել է Ոստիկանություն
Հասարակություն
09.01.2019 | 15:25
Նորակոչիկներին տեղափոխող ավտոբուսի վրա հարձակման դեպքով այսօր մի քանի անձ բերման է ենթարկվել, ևս 7 հոգի ինքնակամ ներկայացել է Ոստիկանության Նաիրիի բաժին, որտեղից նրանք ներկայացվել են Ռազմական ոստիկանություն: Այս մասին Factor.am-ին ասացին Ոստիկանության լրատվական բաժնից, սակայն չմանրամասնեցին, թե որոնվող Մերուժան Ոսկանյանը ներկայացողների մեջ էր, թե՝ ոչ:
Հիշեցնենք, որ դեպի հավաքակայան երթևեկող ավտոբուսը շրջափակվել է քաղաքացիական մեքենաներով ու մի խումբ երիտասարդներ ներխուժել էին ավտոբուս՝ կռվի նպատակով:
Դեպքի առթիվ երեկ հարուցվել է քրեական գործ՝ ՀՀ քրեական օրենսգրքի 258 հոդվածի հատկանիշներով (Խուլիգանություն):
Նշենք, որ երեկ ոստիկանություն ինքնակամ ներկայացել էր նորակոչիկներից մեկի հարազատը՝ Գոռ Հակոբյանը:
