19.01.2026 | 09:33
Սարավան-«Զանգեր» կոչվող հատվածում և Ջերմուկ քաղաքում բուք է
Հաղորդակցության ցանցերի օպերատորներն իրենց մատուցած ծառայությունների վերաբերյալ տեղեկությունները պետք է հրապարակեն․ ՏԵՍԱՆՅՈՒԹ
Հասարակություն
09.01.2019 | 12:23
ՀՀ հանրային ծառայությունները կարգավորող հանձնաժողովն այսօրվա նիստում հաստատեց «Հանրային էլեկտրոնային հաղորդակցության ցանցերի օպերատորների կողմից հանրային էլեկտրոնային հաղորդակցության ամրակցված և շարժական կապի ծառայությունների հասանելիության վերաբերյալ տեղեկատվության հրապարակման և Հայաստանի Հանրապետության հանրային ծառայությունները կարգավորող հանձնաժողովի մի շարք որոշումներ ուժը կորցրած ճանաչելու մասին» որոշման նախագիծը:
Հարցի զեկուցող Գեղամ Գևորգյանը նշեց, որ 2014թ-ին ընդունված որոշումների համաձայն՝ հանրային էլեկտրոնային հաղորդակցության ամրակցված և շարժական կապի ծառայությունների հասանելիության վերաբերյալ ցանցերի օպերատորների կողմից տրվում է տեղեկություն և ելնելով կապի ցանցերի հասանելիության վերաբերյալ միասնական մոտեցում կիրառելու նկատառումից հեռահաղորդակցման վարչության կողմից մշակվել է համապատասխան որոշման նախագիծ։
Ըստ նրա՝ սահմանված տեղեկությունները, ըստ այդ նախագծի, պետք է հրապարկվի որոշումն ուժի մեջ մտնելու օրվանից 30-օրյա ժամկետում հաճախորդների սպասարկման գրասենյակներում և ինտերնետային կայքում:
Նշենք, որ հանձնաժողովի այսօրվա նիստում քննարկվեց նաև հանձնաժողովի մի շարք որոշումներ ուժը կորցրած ճանաչելու և հանձնաժողովի 2009 թվականի մարտի 18-ի №105Ա և 2010 թվականի հունիսի 9-ի №291Ա որոշումներում փոփոխություններ կատարելու մասին հարցերը:
Մանրամասները՝ տեսանյութում։
