Քաղաքականություն
09.01.2019 | 11:53«Այն, ինչ տեսնում ենք օրինականության շեղում է, ու մեր քաղաքացիները պետք է գիտակցեն, որ նախնական կալանավորումը պատիժ չէ։ Այս նախնական կալանավորումները բեմականացված են։ 8 ամիս է անցել հեղափոխությունից, դա հեղափոխություն չէր, այլ տեղափոխություն։ Ուղղակի կան բեմադրություններ՝ կալանքի տակ վերցնել, շահարկել։ Որքանով տեղյակ եմ՝ արդարության սկզբունքի հիման վրա տեղի չի ունեցել։ Նախնական կալանքի մասին է խոսքը։
Նախնական կալանավորման դեպքում անձը անմեղ է, այն չի կարող տարիներ շարունակ տևել։ Տվյալ պարագայում մենք հասկանում ենք, որ նախնական կալանավորումներն այսօրվա իշխանությունները շահարկում են»,- այսօր «Սասնա Ծռեր» խմբի գործով դատական նիստից հետո լրագրողների հետ զրույցում ասաց «Երկիր Ծիրանի» կուսակցության առաջնորդ Զարույի Փոստանջյանը։
Անդրադառնալով հարցին, թե դատարանների վրա ճնշումների մասին են ահազանգում որոշ դատավորներ, համակարծիք է արդյոք ինքը, Փոստանջյանը պատասխանեց․ «Ակնհայտ է, որ դատարանները շարունակում են կատարել գործադիր իշխանության պատվերները։ Առաջինը պետք է լյուստրացիա իրականացնեինք։ Այս նույն դատավորները ունեին թղթապանակներ, որոնք պահվում էին Սերժ Սարգսյանի մոտ, իսկ հիմա էլ Սերժ Սարգսյանը հեռացված չէ։ Նիկոլ Փաշինյանը և Սերժ Սարգսյանը համագործակցում են»։
Մանրամասները՝ տեսանյութում։
