16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Շուշիում երիտասարդ ամուսինների և 5-ամյա երեխայի դիեր են հայտնաբերվել․ մյուս երեխայի վիճակը ծանր է
09.01.2019 | 11:12
Հունվարի 8-ին՝ ժամը 19:05-ին, Արցախի Հանրապետության արտակարգ իրավիճակների պետական ծառայության ճգնաժամային կառավարման կենտրոն Շուշիի շրջանային արտակարգ իրավիճակների բաժնից ահազանգ է ստացվել, որ Շուշիի Հախումյան 1 շենքի N11 բնակարանի բնակիչը չի արձագանքում զանգերին ու կանչերին, անհրաժեշտ է փրկարարների օգնությունը:
Դեպքի վայր են մեկնել Շուշիի հրշեջ-փրկարարական մասի հրշեջ-փրկարարները, ոստիկանության և շտապօգնության աշխատակիցները: Փրկարարները բացել են բնակարանի դուռը, որտեղ հայտնաբերվել են ամուսիններ՝ 33-ամյա Ս. Մ.-ի և 29-ամյա Ա. Ա.-ի , ինչպես նաև նրանց որդու՝ 5-ամյա Ժ. Մ.-ի դիերը: Բնակարանում հայտնաբերված մյուս երեխան՝ 8-ամյա Ն. Մ.-ն, շտապօգնության մեքենայով տեղափոխվել է Ստեփանակերտի «Արևիկ» մանկական բուժմիավորում ՓԲԸ: Ըստ բժիշկների՝ երեխայի վիճակը ծանր է:
Պատահարի հանգամանքները պարզվում են: Կատարվում է հետաքննություն:
