02.07.2026 | 15:01
Վրաստանում Կուլևիի վերամշակման գործարանն ամբողջությամբ կհրաժարվի ռուսական նավթից
ՊԵԿ նախագահ Դավիթ Անանյանը հանդիպել է Հայաստանի ռեստորանների միության անդամների հետ
Տնտեսություն
08.01.2019 | 20:35
ՊԵԿ նախագահ Դավիթ Անանյանը հանդիպել է Հայաստանի ռեստորանների միության անդամների հետ: Այս մասին տեղեկանում ենք միության ֆեյսբուքյան պաշտոնական էջից:
«Քիչ առաջ կայացավ հանդիպում ՀՌՄ և ՀՀ պետական եկամուտների կոմիտեի նախագահ Դավիթ Անանյանի գլխավորած պատվիրակության միջև: Անանյանի պնդմամբ ՊԵԿ-ը կիսում է Միության անդամների մտահոգությունները հարկային բեռի ավելացման մասով, ինչի մասին տեղյակ է պահել ՀՀ վարչապետ Նիկոլ Փաշինյանին, ով ցանկություն է արտահայտել հանդիպել միության անդամների հետ մոտակա օրերին: Հույս ունենք մեր խնդրի բարենպաստ լուծմանը»,- ասված է ռեստորանների միության տարածած հայտարարության մեջ:
Հիշեցնենք, որ Հայաստանի ռեստորանների միության անդամները բողոքում են շրջանառության հարկի բարձրացումից և ի նշան բողոքի՝ արդեն երկու անգամ մեկ օրով փակել են 100-ից ավելի ռեստորանների դռներն ու չեն սպասարկել հաճախորդներին:
