24.07.2026 | 14:40
Պենտագոնը ՌԴ 33 համալսարան և հետազոտական ինստիտուտ ԱՄՆ-ի ազգային անվտանգությանը սպառնալիք է ճանաչել
Տոն օրերի ընթացքում փրկարարներին հաջողվել է փրկել 12 մարդու կյանք
Հասարակություն
08.01.2019 | 17:27
2018 թվականի դեկտեմբերի 31-ին հաջորդող յոթ օրերի ընթացքում ՀՀ արտակարգ իրավիճակների նախարարության փրկարար ծառայության աշխատակիցներին հաջողվել է փրկել 12 մարդու կյանք: Այս ցուցանիշը գրանցված դեպքերի թվով նախորդ տարվա նույն ժամանակահատվածի համեմատ 9-ով նվազել է, սակայն զոհերի թվով կա աճ՝ 2-ով: Այս մասին այսօր հրավիրված մամուլի ասուլիսի ժամանակ ասաց ՀՀ արտակարգ իրավիճակների նախարարության ճգնաժամային կառավարման ազգային կենտրոնի պետ Հովհաննես Խանգելդյանը։
«Այս օրերին գրանցվել է 63 հրդեհ, ինչը նախորդ տարվանից պակաս է 2-ով, 30 ճանապարհատրանսպորտային պատահար, որը 1-ով ավելի է նախորդ տարվա նույն ժամանակահատվածի համեմատ: 8 զոհից 6-ը մահացել են ՃՏՊ-ների հետևանքով»,- ասաց նա՝ շեշտելով, որ տոն օրերին թունավորման 7 դեպք է գրանցվել, որից մահացել է 2, տուժել՝ 23 մարդ:
«Հիմնականում շմոլ գազից թունավորում է եղել, մնացած դեպքերը կենցաղային բնույթի են եղել: Գրանցվել է կենցաղային բնույթի 140 զանգ, ինչը նախորդ տարվա նույն ժամանակահատվածի համեմատ պակաս է 18-ով: Գերակշռել են փակ դռների, ջրագծերի վնասման վերաբերյալ զանգերը»,- ասաց նա:
Ըստ Ճգնաժամային կառավարման ազգային կենտրոնի պետի՝ 911 ծառայություն ուղղվող զանգերում նկատվում է ավելի թիրախային սկզբունք և աստիճանաբար պատահական զանգերը վերանում են։
