10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Մեծ Բրիտանիան մտադիր չէ հետաձգել Brexit-ի ժամկետը, Լոնդոնն ու Բրյուսելը գաղտնի չեն բանակցում
Քաղաքականություն
08.01.2019 | 16:16
Մեծ Բրիտանիայի կառավարությունը չի պատրաստվում հետաձգել Եվրամիության կազմից թագավորության դուրս գալու ժամկետը՝ չնայած լրատվամիջոցների հրապարակումներին, թե Լոնդոնն ու Բրյուսելը գաղտնի քննարկում են նման հնարավորությունը: Այս մասին հայտարարել է Brexit-ի հարցերով նախարար Սթիվեն Բարքլին, գրում է ՏԱՍՍ-ը:
«Այո՛, կարող եմ հերքել այդ տեղեկությունները, քանի որ կարող եմ հստակ հայտարարել, որ կառավարության գիծը մարտի 29-ին ԵՄ-ն լքելն է: Վարչապետը բազմիցս խորհրդարանում հայտարարել է այդ մասին: Կարևոր է, որպեսզի հանրաքվեի արդյունքները հարգվեն»,- BBC-ին տված հարցազրույցում ասել է Բարքլին:
Ավելի վաղ The Daily Telegraph-ը գրել էր, որ Միացյալ Թագավորության ներկայացուցիչները ԵՄ պաշտոնյաների հետ ոչ հրապարակային դիվանագիտական շփումների ընթացքում փորձում են հասկանալ Brexit-ի ժամկետը հետաձգելու հնարավորությունը:
Միաժամանակ, ՄԹ թվային տեխնոլոգիաների, մշակույթի, զանգվածային լրատվամիջոցների և սպորտի նախարարի տեղակալ Մարգո Ջեյմսը նախօրեին BBC-ին ասել էր, որ Լիսաբոնյան համաձայնագրի «50-րդ հոդվածի իրականացման ժամկետը, հնարավոր է, հարկ լինի երկարաձգել», եթե հաջորդ շաբաթ բրիտանական խորհրդարանը հավանություն չտա կառավարության մշակած և Բրյուսելի կողմից հաստատված՝ Brexit-ի պայմանների մասին գործարքի նախագծին:
