12.11.2024 | 23:27
Գրետա Թունբերգը ժամանել է Հայաստան
Մեքսիկայի իշխանությունները հայտարարել են երկրի սահմանին ներգաղթյալների նոր քարավանի մոտենալու մասին
Քաղաքականություն
08.01.2019 | 14:46
Հունվարի կեսերին Կենտրոնական Ամերիկայի երկրներից միգրանտների հերթական քարավանը կփորձի Մեքսիկայում հայտնվել՝ հետագայում ԱՄՆ-ի սահմանին հասնելու համար: Այս մասին հայտնել է Մեքսիկայի ՆԳ նախարար Օլգա Սանչես Կորդերոն, գրում է ՏԱՍՍ-ը:
«Մեզ հայտնի է, որ միգրանտների ևս մեկ քարավան է ձևավորվում՝ հունվարի կեսերին մեր երկրում հայտնվելու համար: Մենք անհրաժեշտ միջոցներ ենք ձեռնարկում՝ այդ մարդկանց անվտանգ և կանոնակարգված մուտքի համար»,- ասել է Կորդերոն՝ հավելելով, որ Մեքսիկայի իշխանությունները միգրանտներին թույլ չեն տա անօրինական ճանապարհով երկրի տարածք մտնել:
Նշենք, որ 2018 թվականի նոյեմբերի վերջին շուրջ 500 միգրանտներ փորձեցին Տիխուանայից ԱՄՆ ներխուժել: Ամերիկյան ուժայինները նրանց նկատմամբ արցունքաբեր գազ կիրառեցին:
Դեկտեմբերի վերջին Մեքսիկայի տարածքում Կենտրոնական Ամերիկայից միգրանտների քարավանից մի քանի հազար մարդ է եղել: ԱՄՆ-ին սահմանակից Տիխուանա նահանգում նրանց համար ժամանակավոր ճամբար է բացվել:
