11.06.2026 | 09:46
Նավթի գներն աճել են
Թբիլիսիի 5 բուժհաստատությունում գրիպի աճով պայմանավորված արտակարգ դրություն է սահմանվել
Հասարակություն
08.01.2019 | 13:45
Հունվարի 8-ից Թբիլիսիի առաջին օգնության 5 բուժհաստատությունում արտակարգ դրություն է սահմանվել: Այս մասին տեղեկացնում է Վրաստանի առողջապահության նախարարության մամլո ծառայությունը. փոխանցում է aliq.ge-ն:
Գերատեսչությունը կոչ է անում գրիպի ախտանշանների դեպքում անմիջապես դիմել բժշկի:
Մայրաքաղաքում բուժհաստատությունները 24- ժամյա արտակարգ ռեժիմի են անցնում գրիպով հիվանդությունների դեպքերի աճի հետ կապված:
Վրաստանի հիվանդությունների վերահսկման ազգային կենտրոնի ղեկավար Ամիրան Գամկղրելիձեն նշել է, որ 100 հազար բնակչի հաշվով արձանագրված է գրիպով հիվանդացության 256 դեպք, ինչը նախորդ շաբաթվա տվյալների համեմատ պակաս է:
Մցխեթայի բժշկական կենտրոնում կարանտին է սահմանվել: Այստեղ 3 հոգի ծանր վիճակում է, միացված են արհեստական շնչառական ապարատին, իսկ 50 հոգի բուժում է անցնում: Կարանտինը կշարունակվի մեկ շաբաթ:
Հիշեցնենք, Վրաստանում գրիպից արդեն 9 մարդ է մահացել:
