18.10.2026 | 19:05
Աշխարհը միջազգային հարաբերությունների նշանակալի փոփոխությունների փուլում է․ Միրզոյան․ ՏԵՍԱՆՅՈւԹ
Ձյան առատ տեղումների հետևանքով Գերմանիայում և Ավստրիայում շուրջ մեկ տասնյակ մարդ է մահացել
Քաղաքականություն
08.01.2019 | 12:43
Ձյան առատ տեղումների հետևանքով Գերմանիայի հարավում և Ավստրիայում առնվազն 9 մարդ է մահացել: Այս մասին գրում է Gazeta.ru-ն՝ վկայակոչելով Bild-ը:
Պարբերականի փոխանցմամբ՝ շաբաթվա ընթացքում զոհերի թիվը, ամենայն հավանականությամբ, կավելանա: Տարերքի զոհ են դարձել զբոսաշրջիկներ և լեռնային շրջանների բնակիչներ:
Ավելի վաղ ձնահոսքի վտանգի պատճառով Հոխկար լեռնադահուկային հանգստավայրն ամբողջությամբ տարհանվել է: Այստեղ ձնահոսքի վտանգի չորրորդ մակարդակ է հայտարարվել:
Առատ տեղումների հետևանքով գնացքների երթևեկությունը դադարեցվել է, օդանավերի չվերթները՝ չեղարկվել:
Գերմանական Միսբախ շրջանում էլ արտակարգ դրության ռեժիմ է սահմանվել: «Ձյան տեղումներից հետո ստիպված ենք եղել որոշ ավտոճանապարհներ փակել, վթարային ծառայությունները ոչ բոլոր ճանապարհներն են կարողանում մաքրել: Միաժամանակ, դպրոցներում դասերը չեղարկվել են՝ երեխաների անվտանգության նկատառումներից ելնելով»,- տեղեկացրել է Միսբախի վարչակազմի ներկայացուցիչ Սոֆի Մարի Շտադլերը:
Օդերևութաբանների կանխատեսմամբ՝ ձյան տեղումները կշարունակվեն ամբողջ շաբաթվա ընթացքում:
